პრემიერ-მინისტრ გიორგი კვირიკაშვილის განცხადებით,  დარწმუნებულია, საქართველოს  მოსახლეობა აფასებს იმ ძალიან   მნიშვნელოვან ნაბიჯებს, რომლებიც დემოკრატიული ქვეყნის მშენებლობის პროცესში, უკანასკნელი წლების განმავლობაში გადაიდგა.

როგორც კვირიკაშვილმა მთავრობის სხდომაზე განაცხადა,  „ქართული ოცნების“ ხელისუფლებამ  ყველაფერი გააკეთა იმისათვის, რომ თანაბარი წინასაარჩევნო გარემო შეექმნათ:

„რომელიც იყო მართლაც უპრეცედენტო და ეს იყო აღნიშნული ყველა ჩვენი მეგობრის მიერ. თუ არ ჩავთვლით იმ ძალიან სამწუხარო ფაქტს, რომელიც მოხდა რამდენიმე დღის წინ. დარწმუნებული ვარ, გამოძიება მიმდინარეობს და დამნაშავეები კანონის წინაშე აგებენ პასუხს უმკაცრესად, ვინადაინ ეს იყო ნამდვილად სახელმწიფოს წინააღმდეგ გადადგმული ნაბიჯი. დარწმუნებული ვარ, რომ 8 ოქტომბერი იქნება ერთ-ერთი უმნიშვნელოვანესი დღე ჩვენი ქვეყნის ცხოვრებაში, ჩვენი მოქალაქეები გამოხატავენ თავისუფალ ნებას, რა თქმა უნდა დაუჭერენ მხარს საქართველოს ნათელ, ევროპულ მომავალს, და  დარწმუნებული ვარ, ეს დღე ჩაივლის აბსოლუტურად მშვიდობიანად. კიდევ ერთხელ მოვუწოდებ, ჩვენს თანამოქალაქეებს, რომ აუცილებლად გამოიყენონ ეს დღე, რათა ჩვენ ყველამ ერთად ავიღოთ პასუხისმგებლობა ჩვენი ქვეყნის განვითარებაზე”,-აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NGO-ები: წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი

ყალბი რეკლამით მოქალაქეებს ბინების მშენებლობა-რემონტს სთავაზობდნენ, მიისაკუთრეს 242 000 ლარი

იუსტიციის მინისტრის მოადგილის პოსტიდან მერაბ ტურავა გაათავისუფლეს