2016-10-06 19:29:28, 1033 ნახვა
პოლიტიკა
რუსეთის საგარეო უწყება ტურისტებს ურჩევს, პოლიტიკური ღონისძიებების ჩატარების ადგილებს მოერიდონ
რუსეთის საგარეო საქმეთა სამინისტრო საქართველოში მყოფ რუს ტურისტებს რეკომენდაციას აძლევს და სოციალურ ქსელ Twitter-ის საშუალებით მოუწოდებს მასობრივი პოლიტიკური ღონისძიებების ჩატარების ადგილებს მოერიდონ.
ლავროვის უწყებამ აღნიშნული რეკომენდაცია 8 ოქტომბრის საპარლამენტო არჩევნებთან დაკავშირებით გამოაქვეყნა.
„8 ოქტომბერს საქართველოში საპარლამენტო არჩევნები გაიმართება. ტურისტებისთვის რეკომენდებულია, მოერიდონ მასობრივი პოლიტიკური ღონისძიებების ჩატარების ადგილებს“, - ნათქვამია განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
