სექტემბერში, აჭარის ტურისტულ საინფორმაციო ცენტრებში ვიზიტორთა 90%-იანი ზრდა დაფიქსირდა.

აჭარის ტურიზმისა და კურორტების დეპარტამენტის ინფორმაციით, ცენტრების მომსახურებით თვის განმავლობაში 14 514 ვიზიტორმა ისარგებლა.

მათივე ინფორმაციით,  9 თვის მონაცემებით კი აჭარის ტურიზმის დეპარტამენტის ტურისტულ საინფორმაციო ცენტრებს  77 345 ტურისტი სტუმრობდა, რაც გასული წლის ანალოგიურ პერიოდთან შედარებით 102% მეტია.

ტურისტულ საინფორმაციო ცენტრების მომსახურების გამოყენების კუთხით განსაკუთრებით რუსი, უკრაინელი, თურქი და პოლონელი ტურისტები აქტიურობდნენ. მათი უმრავლესობა აჭარის ტურისტული ღირსშსანიშნაობების, გასტრონომიისა და მაღალმთიანი აჭარის მიმართულებით არსებული ტურისტული მარშრუტებით ინტერესდებოდა.

ვიზიტორებს შორის პოპულარობით სარგებლობდა საინფორმაციო ცენტრებში განთავსებული აჭარის სხვადასხვა მუნიციპალიტეტისთვის დამახასიათებელი, ადგილზე წარმოებული პროდუქტები და სუვენირები - მაჭახელას ისტორიული თოფის სუვენირი, მტირალას ეროვნული პარკისა და ბოტანიკური ბაღის თაფლი, ქედის სიგარა, ჯემები, მურაბები და ფელამუში.

აჭარის ტურიზმის დეპარტამენტის ტურისტული პროდუქტების განვითარების სააგენტოს ტურისტული საინფორმაციო ცენტრები აჭარის ყველა მუნიციპალიტეტსა და ქალაქში აქვს. ცენტრებში ვიზიტორებს რეგიონის ტურისტული შესაძლებლობების, პროდუქტების, მარშრუტებისა და ღირშესანიშნაობების შესახებ ამომწურავი ინფორმაციის მიღება შეუძლიათ.

მათ შორის საბაგიროსა და ბათუმის საერთაშორისო აეროპორტში არსებული ტურისტული ცენტრები ვიზიტორებს 24 საათის განმავლობაში უწევდა მომსახურებას. ოქტომბრიდან კი 24 საათიან რეჟიმში მუშაობას საბაგიროსთან არსებული ტურისტული საინფორმაციო ცენტრი გააგრძელებს, რომელიც ყველაზე ხშირად ვიზიტირებადი საინფორმაციო ცენტრია აჭარაში.  

ინფორმაციის მიღება მსურველებს ასევე შეუძლია ცხელ ხაზზე 577 90 90 91 (93).

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გულია: აფხაზეთს შეუძლია დღეში ათასი უპილოტო საფრენი აპარატით შეუტიოს საქართველოს და 10 დღეში გაიმარჯვოს

„რუმს ჰოტელსისა“ და „აჭარა ჯგუფის“ დამფუძნებელი თემურ უგულავა გარდაიცვალა

რუსეთი შავ ზღვაში თურქულ გემს თავს დაესხა, რასაც მსხვერპლი მოჰყვა

ერთი მოწვევა, ორი საჩუქარი - ახალი შესაძლებლობა თიბისის მობაილბანკში