რუსულმა საბიუჯეტო ავიაკოამპანიამ “პაბედამ”, რომელიც “აეროფლოტის” ჯგუფში შედის, თბილისსა და ბაქოში რეისებს შეასრულებს, - ამის შესახებ ინფორმაციას სააგენტო Tass ავრცელებს.

როგორც მედია საშუალება წერს, კომპანიამ ბილეთების გაყიდვა უკვე დაიწყო.

ავიაკომპანიის პრეს-სამსახურის ცნობით, “პაბედას” თვითმფრინავები დონის როსტოვიდან თბილისის მიმართულებით 1 ნოემბრიდან კვირაში 3-ჯერ იფრენენ, ბაქოში კი 30 ოქტომბრიდან კვირაში 4-ჯერ.

სააგენტოს ინფორმაციით, ავიაბილეთის ფასი 999 რუბლი იქნება.

ავიაკომპანია “პაბედა” აეროფლოტის ჯგუფის შემადგენლობაში შედის და ბოინგ 737-800-ის ტიპის თვითმფრინავებს იყენებს.

მედია საშუალების ინფომრაციით, კომპანიის პარკში 12 თვითმფრინაია, რომლის საშუალო ასაკი დაახლოებით ერთი წელია.

ავიაკომპანია “პაბედა” რუსეთის სახელმწიფო ბიუჯეტიდან ფინანსდება. ის 2014 წლის 16 სექტემბერს ავიაკომპანია “დობროლიოტის” ნაცვლად დაარსდა.

შეგახსენებთ, კომპანია “დობროლიოტი” მას შემდეგ დაიხურა, რაც ევროკავშირმა მას სიმფეროპოლში შესრულებული რეისების გამო სანქციები დაუწესა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CNN: დიმიტრიევმა ნიუ-იორკში ვიტკოფთან და კუშნერთან მოლაპარაკებები გამართა

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა