"ქართული ოცნების" წევრის გია ვოლსკის განცხადებით, მიხეილ სააკაშვილის საქმით უკრაინაშიც არიან დაინტერესებული და ოდესის გუბერნატორი კონტრაბანდას მფარველობს.

როგორც ვოლსკიმ აღნიშნა, გუშინ გავრცელებულ ფარულ ჩანაწერებთან დაკავშირებით გამოძიება სწრაფად და ეფექტიანად უნდა ჩატარდეს.

"ვიცი, რომ უკრაინაშიც საკმაოდ დაინტერესებული არიან სააკაშვილის პროცესით. საუბარია, რომ რაღაც კონტრაბანდას მფარველობს ოდესაში. არავინ არ იცის, რა დაპირისპირებები, რა მაფიოზური თუ კლანური პროცესები მიმდინარეობს, სად ჩაიწერეს ან ვინ გაავრცელა. საზოგადოებას აინტერესებს, მათ შორის შემხვდა ”ნაციონალური მოძრაობის” ძალიან ბევრი მხარდამჭერი - არის კითხვები, ზოგი სკეპტიკურად არის განწყობილი, მაგრამ რეალურად კაციშვილი არ მეგულება, გარდა ერთი პატარა მარგინალური ჯგუფისა, რომელსაც საქართველოში იმის მოხდენა უნდოდეს, რაზეც მიხეილ სააკაშვილი საუბრობს”, - განაცხადა ვოლსკიმ.

შეგახსენებთ, რომ სოციალურ ქსელ Youtube-ში მორიგი სატელეფონო საუბრის ჩანაწერი გავრცელდა.

ჩანაწერში სავარაუდოდ, საქართველოს ყოფილი პრეზიდენტის, მიხეილ სააკაშვილისა და „ნაციონალური მოძრაობის“ ლიდერების სატელეფონო საუბარია ასახული, რომლებიც რევოლუციურ სცენარზე საუბრობენ.

ჩანაწერის ავთენტურობა ჯერ-ჯერობით დადასტურებული არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია