,,წელს არის საქართველოს  დამოუკიდებლობის აღდგენის 25 წლისთავი და ამ ხნის განმავლობაში ამერიკის შეერთებული შტატების მთავრობა მხარს უჭერს საქართველოს მოსახლეობის ცხოვრების დონის გაუმჯობესების იდეას, ზოგადად საქართველოს ეკონომიკური მდგომარეობის გაუმჯობესებას.  ეს კონკრეტული პროგრამა კი  ამ მხარდაჭერის ურყევი ნაწილია“, - ასე შეაფასა ამერიკის სრულუფლებიანმა ელჩმა საქართველოში იან კელიმ  ათასწლეულის  გამოწვევის ფონდის ,,პროფესიული განათლება ეკონომიკის განვითარებისთვის“  პროექტის ფარგლებში,  პროფესიული განათლების განვითარების საგრანტო კონკურსი და მისი შედეგები.

 ,,ისეთ ქვეყნებს  როგორიც საქართველოა, დამსაქმებლის მოთხოვნების შესავსებად არ ჰყავს საკმარისი მუშახელი. განსაკუთრებით აღსანიშნავია ქალთა თანაფარდობის პრობლემა და ქალბატონების მიერ ტექნოლოგიების სფეროზე ხელმისაწვდომობის პრობლემა. თუ ეს დანაკლისი შეივსება,  ეს კიდევ უფრო მიმზიდველს გახდის საქართველოს საერთაშორისო ორგანიზაციებისათვის რათა მათ ჩადონ უფრო მეტი ინვესტიცია ამ ქვეყანაში. ეს იქნება ნიშანი იმის რომ საქართველო მზად არის და ღიაა ბიზნესის საწარმოებლად. ბაზრის ანალიზი გვიჩვენებს რომ არსებული დანაკლისები შეიძება იყო შევსებული პროფესიული განათლებით. საქართველოს მთავრობამ ძალიან დიდი გზა გაიარა პროფესიული განათლების სექტორის რეფორმის თვალსაზრისით და გრძელდება ამ სეგმენტის განვითარება.  ჩვენ მხარს ვუჭერთ ამ ინიციატივას და  გრანტი რომელიც გაიცა მთლიანად მიმართულია  ინოვაციური და ტექნოლოგიური მიმართულებების გასაუმჯობესებლად“, - განაცხადა იან კელიმ. 

შეგახსენებთ, ათასწლეულის  გამოწვევის ფონდმა ,,პროფესიული განათლება ეკონომიკის განვითარებისთვის“  პროექტის ფარგლებში,  პროფესიული განათლების განვითარების საგრანტო კონკურსის გამარჯვებულები დააჯილდოვა. საგრანტო კონკურსი დაფინანსებულია აშშ-ის ათასწლეულის გამოწვევის კორპორაციის მიერ, ამერიკის შეერთებული შტატებისა და საქართველოს მთავრობას შორის გაფორმებული 140 მილიონი აშშ დოლარის კომპაქტის ფარგლებში.   გამარჯვებული  10  პროექტის საერთო ბიუჯეტი 19.6 მილიონი აშშ დოლარია, საიდანაც 12 მილიონი დოლარი საგრანტო თანხას წარმოადგენს დანარჩენი კი კერძო სექტორის თანადაფინანსებაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია