„ნაციონალური მოძრაობა“ რევოლუციით მოვიდა ხელისუფლებაში, ამიტომ არ არის გამორიცხული ისევ ძველ ხერხებს მიმართოს, - ამის შესახებ ექსპერტმა პოლიტიკურ საკითხებში რამაზ საყვარელიძემ "ექსპრესნიუსს" განუცხადა.

მისი თქმით, გავრცელებული ჩანაწერის ავთენტურობა გასარკვევია.

"ეს ჩანაწერი რეალური მეჩვენება, თუმცა გასარკვევია მისი ავთენტურობა. სააკაშვილისთვის რევოლუციური გზა წარმატებული გზაა. როცა ადამიანს სჭირდება ის ყოველთვის იმეორებს იმას, რამაც წარმატება ერთხელ მოუტანა. არ არის გამორიცხული მსგავსი ხერხი გამოიყენონ", - აღნიშნა საყვარელიძემ.

როგორც რამაზ საყვარელიძემ განმარტა, ხელისუფლებამ პრევენცია უნდა მოახდინოს.

"ამ ეტაპისთვის, პირველი პრევენცია, რომელიც განხორციელდა, ეს ჩანაწერების გასაჯაროებაა ხელისუფლების მხრიდან", - განაცხადა ექსპერტმა.

შეგახსენებთ, რომ სოციალურ ქსელ Youtube-ში მორიგი სატელეფონო საუბრის ჩანაწერი გავრცელდა.

ჩანაწერში სავარაუდოდ, საქართველოს ყოფილი პრეზიდენტის, მიხეილ სააკაშვილისა და „ნაციონალური მოძრაობის“ ლიდერების სატელეფონო საუბარია ასახული, რომლებიც რევოლუციურ სცენარზე საუბრობენ.

ჩანაწერის ავთენტურობა ჯერ-ჯერობით დადასტურებული არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა

ექიმი: ელენე ხოშტარიას აქვს ძლიერი ტკივილები, კვლევები მულტიპროფილურ კლინიკაში უნდა ჩაუტარდეს

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო