ბათუმის რესპუბლიკური კლინიკური საავადმყოფოს ექიმები ისრაელში კვალიფიკაციის ასამაღლებელ კურსს გადიან

2016-09-20 18:28:44, 2206 ნახვა

რეგიონი

ბათუმის რესპუბლიკური კლინიკური საავადმყოფოს ექიმები ისრაელის კლინიკა „wolfson“-ში კვალიფიკაციის ასამაღლებელ კურსს გადიან.

აჭარის ჯანდაცვის სამინისტროს ცნობით, კლინიკის წამყვანი მედიკოსები: ანესტეზიოლოგ/რეანიმატოლოგი - ზეინაბ ფაღავა, ზოგადი ქირურგი - ემზარ დიასამიძე, ტრავმატოლოგი - ლევან გვასალია, უროლოგი - როსტომ ხალვაში, ენდოსკოპისტი - არჩილ ძნელაძე და ნევროლოგი - ლაშა ხელაძე ისრაელში 15 სექტემბერს გაემგზავრნენ და ორი კვირას დარჩებიან.

მედიკოსები ჩართული არიან კლინიკის პრაქტიკულ საქმიანობაში, მონაწილეობას ღებულობენ სამედიცინო და ეცნობიან თეორიულ მასალას.

მედიკოსთა გადამზადების ინიციატივა აჭარის ა/რ მთავრობის თავმჯდომარეს ზურაბ პატარაძეს და მის მეუღლეს სოფიო ბაკურიძეს ეკუთვნის.

ექიმთა გადამზადების ხარჯებს სრულად ისრაელში მცხოვრები ქართველი ებრაელი - მეცენატი დავით ბელნანი ფარავს.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან