პარტია „ქართული ოცნების“ წევრი მანანა კობახიძე სოციალურ ქსელ Facebook-ში გუშინ, „იმედის დროში“ გასულ სიუჟეტს ეხმაურება და პროკურატურას მიმართავს, რომ სიუჟეტში გასული ფაქტებით დაინტერესდეს.

საუბარია, „ნაციონალური მოძრაობის“ ხელისუფლებაში ყოფნის დროს მაღალი თანამდებობის პირების ბიუჯეტიდან უცხოეთში სწავლის დაფინანსებაზე. ჩამონათვალშია გიორგი ვაშაძე, ნინო კალანდაძე, ნიკა გვარამია და ა.შ.

„მივმართავ მთავარ პროკურორს, თუ ჯერ არ დაწყებულა ამ სიუჟეტში გასული ფაქტების გამოძიება, დაუყოვნებლივ დაინტერესდით აღნიშნულით! დაუშვებელია და პირდაპირ სისხლის სამართლის დანაშაულია ხალხის ფულის ხარჯზე, ბიუჯეტის თანხებით თანამდებობის პირების განათლების დაფინანსება, რასაც სააკაშვილის ხელისუფლება ეწეოდა წლების განმავლობაში! გასაგებია, თურმე ამიტომ ხართ ასეთი "განათლებულები” ასეთი კარგი "მოინგლისურეები", ასეთი "ყოჩაღები" და ჩვენ კი საკუთარი ჯიბით დაფინანსებულები ასეთი "უცოდინარი" და ასეთი "უნიათოები” ?! ოთო კახიძევ და კიდევ სხვებო, ამიტომ ხართ მუდმივ ვალში სააკაშვილთან?! მეც არ მიკვირდა?! სააკაშვილის არა, თქვენ საქართველოს ვალი გაქვთ, ხალხის ვალი და კიდევ ხმებს ითხოვთ ამ ხალხისგან, იმის ნაცვლად რომ დააბრუნოთ ბიუჯეტში უკანონოდ წაღებული?! აი, სწორედ ეს ხალხი გამოგიტანთ განაჩენს მალე!“, - განაცხადა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა