2016-09-17 11:33:27, 972 ნახვა
პოლიტიკა
"მრეწველებმა" გლდანის მაჟორიტარობის კანდიდატად ჯემალ გახოკიძე წარადგინეს
პარტია "თოფაძე - მრეწველები, ჩვენი სამშობლო" გლდანის რაიონში, მაჟორიტარობის კანდიდატი წარადგინეს.
როგორც "ექსპრესნიუსს" პარტიის პრეს-სამსახურმა აცნობა, წარდგენა გლდანში, ვეკუას 6 ნომერში ჩატარდა.
მათივე ინფორმაციით, პარტიის ლიდერებმა ზურაბ ტყემალაზემ და გოგი თოფაძემ 16:00 საათზე მოსახლეობას ჯემალ გახოკიძე წარუდგინეს.
კანდიდატმა ამომრჩევლებს მისი სამოქმედო გეგმა გააცნო. გახოკიძის თქმით, გლდაში ინფრასტრუქტურული პრობლემებია, რომელსაც, მისი გამარჯვების შემთხვევაში, მოაგვარებს.
როგორც მან აღნიშნა, ის პარლამენტში გლდანის მცხოვრებლების ინტერესებს დაიცავს.
წარდგენას ათობით ადამიანი დაესწრო.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
