,,ქართული ოცნება-დემოკრატიული საქართველოს“ რუსთავის მაჟორიტარი კანდიდატები, საარჩევნო კამპანიის ფარგლებში, რუსთავის მეტალურგიული ქარხნის ხელმძღვანელებს და თანამშრომლებს შეხვდნენ.

პაატა მხეიძესა და გიორგი ბეგაძესთან შეხვედრას შპს „რუსთავის ფოლადის“ გენერალური დირექტორი, საამქროს ხელმძღვანელები, უბნის უფროსები და სხვა წარმომადგენლები ესწრებოდნენ.

30-ე ოლქის დეპუტატობის კანდიდატმა გიორგი ბეგაძემ რუსთაველ მეტალურგებს ,,ქართული ოცნების“ ეკონომიკური ხედვები გააცნო.

 „გავიმეორებ საქართველოს პრემიერ-მინისტრის სიტყვებს, რომ რუსთავი ინდუსტრიის უძველესი კერაა და რუსთაველებში სამეწარმეო სულისკვეთება გენეტიკურად დევს. ამიტომ, ჩვენი მიზანია, სრულად გამოვიყენოთ ამ რეგიონის სამეწარმეო პოტენციალი და ყველა შესაძლებლობა შეგიქმნათ, რათა საკუთარი შრომით მიღებული კეთილდღეობა თქვენმა ოჯახებმა მალე იგრძნონ. სწორედ ამიტომ დავიწყებთ სხვადასხვა სამეწარმეო პროექტებს, რადგან კარგად გვესმის, რომ საჭიროა ქვეყანაში სამეწარმეო სულისკვეთების დამკვიდრება“,-აღნიშნა ბეგაძემ.

 29-ე ოლქის დეპუტატობის კანდიდატმა, პაატა მხეიძემ ყურადღება გაამახვილა რუსთავში არსებული სამეწარმეო რესურსის სრულად ათვისებასა და ახალი პროგრამით გათვალისწინებულ სამეწარმეო შეღავათებზე.

 „ეკონომიკური განვითარება პარტიის მთავარი პრიორიტეტია, რუსთავს კი აქვს პოტენციალი, რომ გახდეს ქვეყანასი ყველაზე მსხვილი ინდუსტრიული ცენტრი. უფრო სწორად კი რუსთავს, ახლო წარსულში უმსხვილეს ინდუსტრიულ ცენტრს, ამ ფუნქციის დაბრუნების პერსპექტივით უნდა მიენიჭოს თავისუფალი ინდუსტრიული ზონის სტატუსი. რუსთავს აქვს საინჟინრო კვალიფიციური კადრების პოტენციალი, ამიტომ ბიძინა ივანიშვილის ინიციატივით დაარსებული უახლესი ტექნოლოგიების უნივერსიტეტის ერთ-ერთი საწარმოო ფილიალის რუსთავში გახსნის პერსპექტივაც უნდა იყო განხილული“, - განაცხადა პაატა მხეიძემ.

 დეპუტატობის კანდიდატები მეწარმეებს დაპირდნენ, რომ მანდატის მოპოვების შემთხვევაში, ბიზნესის მხარდასაჭერად საკანონმდებლო ინიციატივებს წარადგენენ. რუსთაველ ამომრჩევლებთან შეხვედრები ყოველდღიურ რეჟიმში მიმდინარეობს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო