მასაჩუსეტსის ტექნოლოგიური უნივერსიტეტის მეცნიერებმა და სტუდენტებმა კიდევ ერთი მაღალტექნოლოგიური აპარატი შექმნეს. საუბარი კამერაზეა, რომელსაც დახურული წიგნის წაკითხვა შეუძლია. ეს აპარატი საიდუმლო აგენტებს, ისტორიულ მკვლევარებს, რომლებიც უძველეს დოკუმენტებსა და წიგნებს იკვლევენ, გამოადგებათ.

კამერა ტერაჰერცულ რადიაციას იყენებს, ეს რადიაცია სხვადასხვა ქიმიკატთან კონტაქტისას სხვადასხვანაირად იქცევა, სწორედ ამიტომ გადაწყვიტეს მისი გამოყენება MIT-ისა და Georgia Tech-ის მეცნიერებმა.

რადიაციისა და ქიმიური შენაერთების ურთიერთქმედების შედეგად სხვადასხვა სიხშირეები გამოსხივდება. მათი გაზომვით კი ფურცელზე მელნიანი და ცარიელი ნაწილების ერთმანეთისგან გარჩევა ხდება.

ალგორითმებისა და შესაბამისი პროგრამის საშუალებით, კამერისკენ "გამოსროლილი" სიხშირეების ინტერპრეტაცია ხდება, რის შედეგადაც გვერდებზე ასოების გარჩევაა შესაძლებელი. აპარატი ასევე ზომავს დროს, რომელსაც ტერაჰერცული რადიაცია დასხივებისთვის იყენებს, ამ მეთოდით უნაკლო სიზუსტით დგინდება კონკრეტული გვერდი, რომელზეც ტექსტი მდებარეობს.

კამერას ჯერ-ჯერობით მხოლოდ 9 გვერდის სიღრმეზე წაკითხვა შეუძლია, თუმცა ჯგუფი ტექნოლოგიის დახვეწაზე მუშაობს და დიდი ალბათობით სასურველ შედეგსაც მიაღწევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CNN: დიმიტრიევმა ნიუ-იორკში ვიტკოფთან და კუშნერთან მოლაპარაკებები გამართა

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა