2016-09-13 14:40:51, 665 ნახვა
პოლიტიკა
ირინე იმერლიშვილის შემცვლელთან დაკავშირებით, პრეზიდენტს გადაწყვეტილება ჯერ არ მიუღია
საქართველოს პრეზიდენტს ჯერჯერობით არ მიუღია გადაწყვეტილება, თუ ვინ შეცვლის ეროვნული უშიშროების საბჭოს მდივნის პოსტზე ირინე იმერლიშვილს.
პრეზიდენტის პრესსპიკერის, ეკა მიშველაძის განცხადებით, ეროვნული უშიშროების საბჭოს მდივნის არც ერთი კანდიდატურა ამ დრომდე არ განხილულა.
„ეროვნული უშიშროების საბჭოს მდივნის დანიშვნა არის პრეზიდენტის ექსკლუზიური უფლება და მხოლოდ მისი პრეროგატივა. როგორც კი ის მიიღებს ამ გადაწყვეტილებას, საზოგადოებისთვის გახდება ცნობილი. ჯერ არც ერთი კანდიდატურა არ განხილულა“, - განაცხადა მიშველაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
