მეცნიერები: დაბინძურებული ჰაერი შესაძლოა, ალცჰაიმერის დაავადების განვითარებას უწყობდეს ხელს

2016-09-06 12:40:44, 969 ნახვა

სხვადასხვა

დაბინძურებული ჰაერი შესაძლოა, იყოს ერთ-ერთი ფაქტორი, რომელიც ალცჰაიმერის დაავადების განვითარებას უწყობს ხელს, - ამის შესახებ BBC ბრიტანელი მეცნიერების ახალ კვლევაზე დაყრდნობით იუწყება

დიდ ბრიტანეთში მდებარე ალცჰაიმერის დაავადების კვლევის ცენტრის სპეციალისტებმა აღნიშნული დიაგნოზის მქონე ადამიანების ტვინის ქსოვილებში მაგნიტური რკინის ოქსიდის ნაწილაკები აღმოაჩინეს. ტოქსიკური ნივთიერების ნაწილაკები აღმოჩნდა იმ ადამიანების ქსოვილებში, რომლებიც დაბინძურებული ჰაერის მქონე ქალაქებში ცხოვრობენ.

მეცნიერების კვლევაში აღნიშნულია, რომ ტვინის ქსოვილებში მაგნიტური რკინის ოქსიდის ნაწილაკების არსებობასა და დაავადების განვითარებას შორის პირდაპირი მიზეზ-შედეგობრივი კავშირი ჯერ დამტკიცებული არ არის. სპეციალისტები დაბინძურებული ჰაერის ალცჰაიმერის დაავადების განვითარებაზე გავლენის შესწავლას გააგრძელებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან