2016-09-05 15:10:09, 806 ნახვა
პოლიტიკა
ვახტანგ ხმალაძე: ივანიშვილი ადრე უაღრესად სახელმწიფოებრივად მოაზროვნე პარტიას გვიწოდებდა
„რესპუბლიკური პარტიის“ წევრი ვახტანგ ხმალაძე „ექსპრესნიუსთან“ საუბრისას აცხადებს, რომ „რესპუბლიკელების“ რეიტინგს არა ბიძინა ივანიშვილი, არამედ მოსახლეობა გადაწყვეტს.
„ბიძინა ივანიშვილმა „რესპუბლიკურ პარტიაზე“ თავისი ადრინდელი შეფასებები გაიხსენოს, როდესაც ყოფილი პრემიერი „რესპუბლიკელებს“ უაღრესად სახელმწიფოებრივად მოაზროვნეს უწოდებდა. შეადაროს ეს ყველაფერი საკუთარ დღევანდელ ნათქვამს და გადაწყვიტოს როდის ამბობდა სიმართლეს და როდის არა. ჩვენი პარტიის რეიტინგს არა ივანიშვილი, არამედ საქართველოს მოსახლეობა გადაწყვეტს“, - განაცხადა ხმალაძემ.
შეგახსენებთ, დღეს ბიძინა ივანიშვილმა განაცხადა, რომ „რესპუბლიკური პარტია“ სახელმწიფოებრივად მოაზროვნე არ არის.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
