ლონდონში, მდინარე ტემზას სანაპიროზე დამონტაჟებული მასშტაბური ხის სკულპტურული ნაგებობა დაწვეს, - ამის შესახებ ინფორმაციას BBC ავრცელებს.

მედია საშუალების ცნობით, კონსტრუქცია XVII საუკუნის ლონდონის სიმბოლური გამოსახულება იყო. 

როგორც ორგანიზატორებმა განმარტეს, ხანძრის იმიტაციას ქვეყნის მოსახლეობისა და სტუმრებისთვის 350 წლის წინანდელი მოვლენა უნდა გაეხსენებინა. 

ცეცხლმოკიდებული სკულპტურული კომპოზიციის სანახავად, რომლის სიგრძე 120 მეტრს შეადგენდა, ასობით ადამიანი შეიკრიბა. 

მის კონსტრუირებაში ამერიკელ დევიდ ბესტს ბავშვები და ლონდონის ზრდასრული მოქალაქეებიც ეხმარებოდნენ.

შეგახსენებთ, რომ ლონდონის დიდი ხანძარი 1666 წლის 2 სექტემბერს დაიწყო და 4 დღის განმავლობაში გაგრძელდა. ქალაქში მდებარე სახლების უმეტესობა განადგურდა, 100 ათასი ადამიანი კი უსახლკაროდ დარჩა.

ცნობისთვის, 1667 წელს ქვეყნის ხელისუფლებამ გამოსცა კანონი მშენებლობის შესახებ, რომლის თანახმადაც, მოსახლეობას სახლების ასაშენებლად ქვისა და აგურის გარდა არც ერთი მასალა არ უნდა გამოეყენებინათ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CNN: დიმიტრიევმა ნიუ-იორკში ვიტკოფთან და კუშნერთან მოლაპარაკებები გამართა

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა