პარტია „ახალი საქართველოს“ ლიდერი გიორგი ვაშაძე პაატა ბურჭულაძის გუშინდელ განცხადებას ეხმაურება და აღნიშნავს, რომ საუბარია სოციალური დახმარებების მიზნობრივად დახარჯვაზე.

 „პაატა ბურჭულაძის ნათქვამის არასწორი ინტერპრეტაცია მოხდა. ჩვენი გათვლებით, სოციალურ პროექტებში მილიონ ადამიანამდე იქნება ჩართული. გვსურს, რომ მიზნობრივი პროგრამები გავზარდოთ და ეს პროგრამები არ იყოს ყველასთვის უფასო და ა.შ. გვინდა, რომ ვისაც უჭირს, კონკრეტული შემოსავალი მასთან მივიდეს. შესაბამისად, ბურჭულაძის გამოსვლის დროს, ეს იყო სიტყვების თამაში და მეტი არაფერი. კიდევ ერთხელ ვიმეორებ, საუბარია იმაზე, რომ მილიონამდე ოჯახი სხვადასხვა ტიპის სოციალურ დახმარებას მიიღებს. დღეს ზოგიერთ დახმარებას აბსოლუტურად ყველა იღებს - ღარიბიც და მდიდარიც. ჩვენ გვინდა, რომ დახმარებები იყოს მიზნობრივი“, - განაცხადა ვაშაძემ.

ცნობისთვის, პაატა ბურჭულაძემ განმუხურში მაჟორიტარობის წარდგენისას განაცხადა, რომ მისი გუნდის ხელისუფლებაში მოსვლის შემთხვევაში, სოციალურად დაუცველის სტატუსის მატარებელთა რაოდენობის მილიონამდე გაზრდას გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ