ოკუპირებულ სამხრეთ ოსეთში რუსული სამხედრო ბაზა სრულ საბრძოლო მზადყოფნაშია მოყვანილ

2016-08-26 10:32:34, 1026 ნახვა

რეგიონი

ოკუპირებულ სამხრეთ ოსეთში მდებარე რუსული სამხედრო ბაზა სრულ საბრძოლო მზადყოფნაშია მოყვანილი, - ამის შესახებ რუსეთის სამხრეთის სამხედრო ოლქის პრესსამსახურის განცხადებაშია ნათქვამი.

რუსული ბაზა ვლადიმირ პუტინის მიერ გამოცხადებულ მოულოდნელ შემოწმებაში მონაწილეობს.

"სამხრეთ ოსეთის რესპუბლიკაში დისლოცირებული სამხრეთის სამხედრო ოლქის სამხედრო ბაზის ქვედანაყოფები მოულოდნელი შემოწმების ფარგლებში უმაღლესი დონის საბრძოლო მძადყოფნაში იმყოფებიან და მუდმივი დისლოკაციის პუნქტიდან მაღალმთიან პოლიგონ "ძარწემზე" გადაინაცვლეს", - ნათქვამია რუსეთის სამხრეთის სამხედრო ოლქის პრესსამსახურის განცხადებაში.

როგორც რუსული მედია წერს, პოლიგონზე ათასამდე სახმედროა გაყვანილი. შემოწმებაში ასევე 200-მდე ერთეული სამხედრო ტექნიკა მონაწილეობს.

შეგახსენებთ, რომ რუსეთის პრეზიდენტმა შეიარაღებული ძალების საბრძოლო მზადყოფნის შემოწმება 25 აგვისტოს გამოცხადა. შემოწმება, რომელიც 31 აგვისტომდე გაგრძელდება, სექტემბერში დაგეგმილი სტრატეგიული სამხედრო წვრთნის "კავკაზ 2016"-ისთვის მზადების ფარგლებში ხორციელდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან