ჩარგლის ქუჩაზე ავტობუსების მიმართულებები დროებით იცვლება

2016-08-12 16:45:03, 914 ნახვა

საზოგადოება

ჩარგლის ქუჩაზე მიმდინარე საგზაო სამუშაოებთან დაკავშირებით, 12 აგვისტოდან 15 ოქტომბრამდე #17, #60, #94 და #95 ავტობუსები გურამიშვილის გამზირიდან შემდეგი მიმართულებით იმოძრავებენ: ალ. ბარამიძის ქუჩა - გამყრელიძის ქუჩა - ურეკის ქუჩა - ანაპის დივიზიის ქუჩა - შემდეგ კი არსებული, ძველი მარშრუტით გააგრძელებენ გადაადგილებას.

ამის შესახებ "ექსპრესნიუსს" თბილისის მერიიდან აცნობეს.

რაც შეეხება აღნიშნული ავტობუსების უკუმიმართულებით მოძრაობას, ავტობუსები გადაადგილდებიან იგივე ქუჩების გავლით.

მერიის ცნობით, ჩარგლის ქუჩაზე გზის სარეაბილიტაციო სამუშაოებს, ქალაქ თბილისის მუნიციპალიტეტის მერიის კეთილმოწყობის საქალაქო სამსახურის დაკვეთით, სამშენებლო კომპანია შპს „ენკო“ ახორციელებს.

სამუშაოების დამთავრებისთანავე, ავტობუსები ჩვეული მარშრუტით იმოძრავებენ.

თბილისის სატრანსპორტო კომპანია ბოდიშს გიხდით შექმნილი დისკომფორტისთვის.
(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან