აჭარის ტურიზმის დეპარტამენტის მიერ ლიტვაში წარმოებული პიარკამპანიების ფარგლებში რეგიონს კიდევ ერთი ცნობილი სახე სტუმრობს.

აჭარის ტურიზმისა და კურორტების დეპარტამენტის პრესსამსახურის ინფორმაციით, ლიტველი დიზაინერი, ტელე-რადიო წამყვანი, მუსიკალური დიჯეი სიმონა ბანდიტა კოლეგებთან ერთად აჭარაში მოგზაურობს და თავისი რადიო გადაცემისთვის მასალებს ამზადებს.

მათივე ინფორმაციით, სიმონა თავის მსმენელსა და სოციალურ ქსელში ათასობით მიმდევარს ბათუმის ტურისტული ღირსშესანიშნაობების, მტირალას ეროვნული პარკის, ბოტანიკური ბაღისა და ქართული სამზარეულოს შესახებ მოიყვება და რეგიონში დასვენების შესახებ რეკომენდაციებს მიაწვდის.  სიმონა ბანდიტას სოციალურ ქსელში Facebook.com  27,612 მიმდევარი ჰყავს.

წელს, ლიტვაში პიარ და მარკეტინგული კამპანიების წარმოებისას აჭარის ტურიზმის დეპარტამენტმა განსაკუთრებული აქცენტი ლიტვადან აჭარაში ცნობილი ტელე-რადიო გადაცემების გადამღები ჯგუფების, ჟურნალისტებისა და ცნობილი სახეების მოწვევაზე გააკეთა.

დეპარტამენტმა მაისსა და ივლისში ლიტვაში აჭარის დღეებს გაუწია ორგანიზება, რომელიც როგორც სხვა პიარაქტივობები აჭარის ტურისტული პოტენციალის, მისი არამატერიალური კულტურული მემკვიდრეობის პოპულარიზაციასა და რეგიონში ტურისტების მოზიდვას ემსახურებოდა.

(NS)  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამარასთან ახლოს უკრაინის თავდასხმის შემდეგ, ევროპაში ერთ-ერთი უდიდესი ნავთობის საწყობი მეორე დღეა იწვის.

Axios: აშშ-ის შუალედური არჩევნების შედეგად, შესაძლოა, ტრამპმა კონგრესზეც კონტროლი დაკარგოს

ტრამპმა გუამში რესპუბლიკელის გამარჯვებას აშშ-ის არჩევნებზე კარგი ნიშანი უწოდა

პოლონეთის პროკურატურამ საკონსტიტუციო ტრიბუნალის მოსამართლეებზე თავდასხმის ფაქტზე გამოძიება დაიწყო