8 მარტს ქალთა საერთაშორისო დღესთან დაკავშირებით, სასტუმრო ,,დიდუბე პლაზაში'' ინტეგრირებული ტურნირი შაშის თამაშში „საქართველოს პირველობა“ გაიმართება. თბილისის მერიის ინფორმაციით, ტურნირში მონაწილეობას მიიღებენ შეზღუდული შესაძლებლობის მქონე ქალბატონები, ასევე საზოგადოების ცნობილი სახეები. ტურნირის ორგანიზატორები არიან საქართველოს შაშის ეროვნული ფედერაცია და ქალაქ თბილისის მერიის განათლების, სპორტისა და ახალგაზრდულ საქმეთა საქალაქო სამსახური. 

მერიის განათლების, სპორტისა და ახალგაზრდულ საქმეთა საქალაქო სამსახური აქტიურად გეგმავს შშმ პირთა ჩართვას 2015 წელს განსახორციელებელ სხვადასხვა სპორტულ ღონისძიებებში. მათ შორის ერთ-ერთი გაზაფხულზე პარაოლიმპიური ცენტრის გახსნა იქნება, სადაც შეზღუდული შესაძლებლობის მქონე პირებს დაგეგმილ აქტივობებში მონაწილეობის საშუალება მიეცემათ. 

მიმდინარე წლის ზაფხულში დედაქალაქი ევროპის ახალგაზრდულ ოლიმპიურ ფესტივალს „თბილისი 2015“ უმასპინძლებს. 26 მაისს საქართველოში ოლიმპიური ცეცხლი ჩამოვა. ცერემონიალში შშმ პირები ჩაერთვებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: ვინმეს სერიოზულად სჯერა, რომ ეს „არჩევნები“ სამართლიანი იყო?

კრაკოვში თავდამსხმელი საავადმყოფოში გარდაიცვალა

საქართველოს ბანკის მხარდაჭერით წინანდლის მამულში რიგით მეოთხე ღვინის სიმპოზიუმი გაიმართა

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია