პრინციპულად არასწორი მგონია, როდესაც პოლიტიკოსები ასე უაპელაციოდ და თავგამოდებით ესხმიან თავს მოსამართლეებს,  - ასე უპასუხა საქართველოს საკონსტიტუციო სასამართლოს მოსამართლე ქეთევან ერემაძემ პოლიტიკურ წრეებში მათი მისამართით გაკეთებულ შეფასებებს.

როგორც ერემაძემ ჟურნალისტებს განუცხადა, ამ საკითხზე, ისევე როგორც ბოლო პერიოდში განვითარებულ მოვლენებზე საკონსტიტუციო სასამართლოს პლენუმი შიდაკონსულტაციებს გამართავს.

„პრინციპულად არასწორი მგონია, როდესაც პოლიტიკოსები ასე უაპელაციოდ და თავგამოდებით ესხმიან თავს მოსამართლეებს და აიძულებენ მათ, თავი ჩაიყენონ თავის მართლების რეჟიმში. ჩვენ ამ საკითხთან დაკავშირებით რა თქმა უნდა გვექნება შეხვედრა, გავივლით კონსლუტაციებს მოსამართლეები ერთმანეთთან, განვიხილავთ ყველა საკითხს, თუ კიდევ დარჩა კითხვის ნიშნები. კონკრეტულმა მოსამართლეებმა გავავრცელეთ ინფორმაცია ამასთან დაკავშირებით. ჩვენ რატომღაც გვეგონა, რომ ეს იქნებოდა საკმარიის. როგორც ჩანს კითხვები დაინტერესებულ პირებს ჯერ კიდევ აქვთ, ამიტომ შევეცდებით ყველა საკითხი დეტალურად გავიაროთ“,- განაცხადა ქეთევან ერემაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს

საქართველოს ბანკის Student Card-ისა და sCool Card-ის მფლობელები ქუთაისში ტრანსპორტზე შეღავათიანი ტარიფით ისარგებლებენ