ტერიტორიები არ არის ოკუპირებული პუტინის მიერ, ეს ტერიტორიები არ გაექცნენ საქართველოს, ისინი გაექცნენ პრო-ამერიკულ რეჟიმს, რომელსაც 25 წლის განმავლობაში საქართველოს ხელისუფლება ატარებს, - ამის შესახებ რუსეთის ფედერაციის დუმის დეპუტატმა ვლადიმერ სიმაგინმა "ექსპრესნიუსს" განუცხადა.

დეპუტატის განცხადებით, ოფიციალური რუსეთი მეგობრული ურთიერთობების დამყარებაში დაინტერესებულია და მისთვის არ არის სულერთი თუ რა ხდება მის მეზობელ ქვეყანაში.

"აღვნიშნავ, რომ რუსეთში ანტი-ქართული განწყობები არ არსებობს. მიხარია, რომ საქართველოს მოქალაქეების უმეტეს ნაწილს მსგავსი დამოკიდებულება აქვს რუსეთის მიმართ. ჩვენ მრავალსაუკუნოვანი ისტორია გვაკავშირებს. დამრჩა განცდა, რომ ერთმანეთი გვენატრება", - განაცხადა სიმაგინმა.

რაც შეეხება ოკუპირებულ ტერიტორიებს, როგორც პოლიტიკოსი აცხადებს, მათ მსგავსი სტატუსი არ გააჩნიათ.

"რუსეთს 10 წლის წინ არ ეგონა, რომ ჩეჩნეთზე კონტროლს დაიბრუნებდა, თუმცა ეს მოლაპარაკებების შედეგად გახდა შესაძლებელი. ვურჩევდი საქართველოს, რუსეთისგან მსგავსი პრობლემების მოგვარება ისწავლოს. სამწუხაროდ საქართველოს ხელისუფლება არც რუსეთთან და არც აფხაზეთსა და სამხრეთ ოსეთთან კონტაქტზე არ გამოდის. იმედი მაქვს, რომ საქართველოს ხელისუფლება ნაკლებად ანგაჟირებული იქნება და მოლაპარაკებებს დაიწყებს, წინააღმდეგ შემთხვევაში სხვა გამოსავალი არ არის. ჩვენი მხრიდან მაქსიმალური მხარდაჭერა იქნება", - განაცხადა რუსეთის დუმის დეპუტატმა.

ცნობისთვის, ბათუმში "სახალხო მოძრაობა-სოციალისტური საქართველოს" აჭარის რეგიონალური ორგანიზაციის დამფუძნებელი ყრილობა ჩატარდა, რომელსაც რუსეთის დუმის დეპუტატი ესწრებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს