„ძალიან სწრაფი რეფორმაა სისტემაში გასატარებელი“,-ამის შესახებ „თავისუფალი დემოკრატების“ ლიდერმა ირაკლი ალასანიამ პრეზიდენტის განცხადებასტან დაკავშირებით განაცხადა, რომლის თანახმადაც  ერთი თვის წინ, სამართალდამცავების ჩართვით, მის ოჯახის წევრზე  ზეწოლის მცდელობა იყო.

ალასანიამ იმედი გამოთქვა, რომ პრეზიდენტის მიერ გაჟღერებულ საქმეზე მთავრობა რეაგირებას მოახდენს.

”პრეზიდენტის მიერ გაჟღერებულ საქმეზე იმედი მაქვს მთავრობა რეაგირებას გააკეთებს, შეისწავლის და ამ საკითხს საზოგადოებას ნათლად წარუდგენს. მაგრამ არ შემიძლია არ გავიხსენო თავდაცვის სამინისტროს ხუთი უდანაშაულო ადამიანი, რომლებიც პოლიტიკური მითითებით პროკურატურამ და სასამართლომ ერთობლივად ციხეში ჩასვეს. დიდი იმედი მაქვს, ძალიან მალე მათ გამოვიხსნით და საკუთარ ოჯახებს დავუბრუნებთ. პროკურატურა და სასამართლო დღეს იმართება მურუსიძის და შოთაძის მიერ, რომლებიც ადეიშვილის, სააკშვილის დროინდელი რეჟიმის სამსახურში იყვნენ. ეს კიდევ ერთხელ მეტყველებს, რომ ძალიან სწრაფი რეფორმაა ამ სისტემაში გასატარებელი. ”თავისუფალ დემოკრატებს” ზუსტად გვაქვს წარმოდგენილი როგორ უნდა მოხდეს სასამართლოს, პოროკურატურის და სამართალდამცავი სტრუქტურების სრული გათავისუფლება და დეპოლიტიზაცია”, - განაცხადა ირაკლი ალასანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს