თბილისში, ქუთაისში, ხონსა და ლაგოდეხში 198 დევნილ ოჯახს საცხოვრებელი ფართები საკუთრებაში გადაეცემა, - ამის შესახებ საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე განაცხადა.

პრემიერის  თქმით, 2012 წლის ოქტომბრიდან დღემდე 12 000-ზე მეტ ოჯახს მათ მფლობელობაში არსებული ახალი საცხოვრებელი ფართები უკვე დაუკანონდა.

„დღეს ჩვენ გამოგვაქვს საკითხი 198 საცხოვრებელი სახლის დაკანონების შესახებ - თბილისში, ქუთაისში, ხონსა და ლაგოდეხში 198 დევნილ ოჯახს ფართი საკუთრებაში უსასყიდლოდ გადაეცემა. 2012 წლის ოქტომბრიდან დღემდე 12 000-ზე მეტ ოჯხას უკვე დაუკანონდა მათ მფლობელობაში არსებული თუ ახალი ფართები და ჩვენ ამ პროცესს სრული დატვირთვით ვაგრძელებთ. ამას ახორციელებს დევნილთა და განსახლების სამინისტრო, ეკონომიკის სამინისტროსთან ერთად“, - განაცხადა კვირიკაშვილმა.

ცნობისთვის, მთავრობის ადმინისტრაციაში მთავრობის სხდომა მიმდინარეობა. მინისტრთა კაბინეტი სხდომაზე 33 საკითხს განიხილავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე