დღეს დილით, აჭარის ავტონომიური რესპუბლიკის მთავრობის ახალმა ხელმძღვანელმა ბათუმის ბულვარი დაათვალიერა.

აჭარის მთავრობის ადმინსიტრაციის პრესსამსახურის ინფორმაციით, ზურაბ პატარაძე ზღვის სანაპიროზე მოსეირნე ბათუმელებს და დამსვენებლებს შეხვდა და გაესაუბრა.

"დილით გამოვედით ქალაქ ბათუმის ბულვარში. შევხვდით ხალხს, ძველ ნაცნობებს, თანაქალაქელებს, მოვისმინეთ მათი აზრი, ვის რა აწუხებს, რა საკითხებია დღის წესრიგში, რა არის გასაკეთებელი. ჩვენ გავითვალისწინებთ მათ აზრს. ყველა წუხს და ყველას უნდა, რომ ბათუმის ბულვარს ჰქონდეს თავისი ტრადიციული იერსახე, თავისი პეწი და თავისი კოლორიტი, რომელიც ლამაზ ქალაქს ამშვენებს და ჩვენ მაქსიმუმს გავაკეთებთ იმისათვის, რომ არ დაკარგოს თავისი სახე. ამაზე ჩვენ ჩვენ ხალხთან ერთად ვიზრუნებთ. ჩემთვის მთავარი იყო დღეს გამეგო მათი აზრი ინფრასტრუქტურულ საკითხებთან დაკავშირებითაც, თუ რა არის მოსაგვარებელი ბულვარში", - აღნიშნა ზურაბ პატარაძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს