პოლიტიკოს კობა დავითაშვილის განცხადებით, მისი ცემის ფაქტის გახსნის შესახებ ინფორმირებული იყო.

როგორც დავითაშვილმა აღნიშნა, მისთვის პრინციპული მნიშვნელობა არ აქვს ისინი დაპატიმრებულები იქნებიან თუ არა.

„ინფორმირებული ვიყავი, რომ ჩემი ცემის ფაქტი გაიხსნა. ამ საქმის შემსრულებლებს, მე თავიდანვე შევუნდე და ჩემთვის პრინციპული მნიშვნელობა არ აქვს ისინი დაპატიმრებული იქნებიან თუ არა. რაც შეეხება საქმის დამკვეთებს, მე ვერ ვხედავ ამ ადამიანებში სინანულის გრძნობას. ვერც "ნაციონალური მოძრაობის" ლიდერების მხიდან, რომლებიც წარსულს არ ნანობენ“, - განუცხადა კობა დავითაშვილმა.

შეგახსენებთ, რომ საქართველოს პროკურატურამ, 2007 წლის 7 ნოემბრის საპროტესტო  აქციის დროს,  კობა დავითაშვილის ცემისა და მისი თავისუფლების უკანონო აღკვეთის ფაქტი გახსნა.

როგორც პროკურატურის განცხადებაშია აღნიშნული, ჩატარებული გამოძიებით დადგენილია, რომ კობა დავითაშვილის თავისუფლების უკანონო აღკვეთა და ნაცემ მდგომარეობაში გორის სამხედრო ჰოსპიტალში გადაყვანა განხორციელდა სპეცდანიშნულების რაზმის წევრების მიერ, საქართველოს ყოფილი გენერალური პროკურორის ზურაბ ადეიშვილის და ფინანსთა სამინისტროს შემოსავლების სამსახურის უფროსის ყოფილი მოადგილის დავით ქარსელაძის დანაშაულებრივი გეგმითა და ორგანიზებით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია