„საყოველთაო ჯანდაცვის პროგრამას არც წელს და არც შარშან არცერთი დღე არ ჰქონია შეფერხება“,-ასე გამოეხმაურა  შრომის, ჯანმრთელობისა და სოციალური დაცვის მინისტრმა დავით სერგეენკომ „ნაციონალური მოძრაობის“  ბრალდებებს, რომლის თანახმადაც ჯანდაცვის სამინისტროში ბიუჯეტი დეფიციტურია და 80 მილიონი ლარის დამატება გახდება წლის ბოლომდე საჭირო.

როგორც სერგეენკომ აღნიშნა, მსგავსი ტიპის განცხადებები მიზანმიმართულად კეთდება.

„თუ კი რაიმე მიზანმიმართულად ხდება, მიზანმიმართულად ხდება ასეთი  ტიპის განცხადებების  კეთება. შარშან მთელი წელი ვისმენდით ასეთ განცხადებას. რიგი ადამიანებისა  მათ შორის ჩემი ყოფილი კოლეგები „შესაშური მოტივაციით“, სიჯიუტით და სიხშირით აჯღერებენ ამას. შარშანდელმა წელმა გაიარა. ვნახეთ, რომ არცერთი დღე არ გვქონია  შეფერხება, იგივე იქნება  წლევანდელ წელსაც. რაც შეეხება, კლინიკების დავალიანებას  მთელი ამ წლის განმავლობაში არამცთუ არ ყოფილა  ასეთი დავალიანებები, არამედ შეგახსენებთ, რომ შარშანწინ, როდესაც რიგ სადაზღვევო კომპანიებში, ერთ-ერთი სამწუხაროდ გაკოტრდა, მათი დავალიანებების გარკვეული მენეჯმენტი  სახელმწიფომ აიღო თავის თავზე. რადგანაც ჩვენი მოვალეობაა სამედიცინო მოვლის, სამედიცინო  დახმარების მიწოდების უწყვეტობის უზრუნველყოფა“,-განაცხადა დავით სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია