ნატო-ს სამიტზე დაფიქსირდა საქართველოს სრული და უპირობო მხარდაჭერა ჩვენი ტერიტორიული მთლიანობისა და სუვერენიტეტის მიმართ, - ამის შესახებ საქართველოს პრეზიდენტმა, გიორგი მარგველაშვილმა ვარშავაში გამართულ პრესკონფერენციაზე განაცხადა.

როგორც გიორგი მარგველაშვილმა აღნიშნა, ვარშავის სამიტზე საქართველომ რეალური ინსტრუმენტები მიიღო, რათა ალიანსში ინტეგრაციის პროცესი გაძლიერდეს.

„უმნიშვნელოვანესია, რომ ნატო იწყებს დისკუსიას შავი ზღვის უსაფრთხოებისთვის. ამ პროცესის მონაწილე იქნება საქართველო. ასევე, საქართველო და ნატო შეთანხმდენ საჰაერო თავდაცვაზე. ჩამოყალიბდა ხედვა ფინანსურ მხარდაჭერაზე. შემოდგომაზე კი, საქართელოს ეწვევა ალიანსის საბჭო, რაც იქნება საქართველოს მხარდაჭერის დადასტურება“, - აღნიშნა მარგველაშვილმა.

შეგახსენებთ, რომ ნატო-ს ოფიციალურ ვებგვერდზე ვარშავის დეკლარაცია გამოქვეყნდა, რომელშიც საქართველოზეც არის საუბარი.

“ჩვენ გვჯერა ერთიანი, თავისუფალი და მშვიდობიანი ევროპის. ნატო გაზრდის უკრაინისა და საქართველოს მხარდაჭერას და გააგრძელებს მოლდოვის რესპუბლიკის დახმარებას. ჩვენ გავაღრმავებთ ჩვენს ურთიერთობას პარტნიორებთან შავი და ბალტიის ზღვების რეგიონებში და დასავლეთ ბალკანეთში. ასევე შევინარჩუნებთ ჩვენს მნიშვნელოვან ოპერაციას კოსოვოში”, - ნათქვამია ვარშავის დეკლარაციაში.

ნატო კიდევ ერთხელ ადასტურებს ღია კარის პოლიტიკისადმი მხარდაჭერას.

“ჩვენ ერთგული ვრჩებით ნატო-ს ღია კარის პოლიტიკისადმი, რომელმაც გააძლიერა ალიანსი და ევროატლანტიკურ უსაფრთხოებაში წვლილი შეიტანა. ველოდებით ჩვენი უახალესი წევრის, მონტენეგროს მიღებას  ჩვენს საზოგადოებაში" , - აღნიშნულია დოკუმენტში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა