"ერთიანი ნაციონალური მოძრაობის" ერთ-ერთი ლიდერის სერგო რატიანის განცხადებით, აჰმედ ჩატაევისა და ზოგადად, რუსი ჯაშუშების გათავისუფლებასა და მათ გმირებად გამოცხადებაზე ამჟამინდელი ხელისუფლებაა პასუხისმგებელი.

როგორც "ექსპრენიუსთან" საუბრისას სერგო რატიანმა თეა წულუკიანისა და სოზარ სუბარის განცხადებების კომენტირებისას აღნიშნა, ტერორისტულ აქტებსა და ჯაშუშობაში ბრალდებული ადამიანების გათავისუფლება, გარკვეულწილად,  რუსეთის სახელმწიფოსთან იყო სინქრონიზებული.

"ხელისუფლების წარმომადგენლები რაღაც შეთქმულების თეორიებზე კი ნუ ლაპარაკობენ, ფაქტებზე ილაპარაკონ. დამნაშე აჰმედ ჩატაევი,  დაკავებული იყო საქმეზე, რომელიც უკავშირდებოდა ანტისახელმწიფოებრივ ქმედებას. ეს, გარკვეულწილად, იყო სინქრონიზებული რუსეთის სახელმწიფოსთან. ჩატაევი წულუკიანმა, პირადად გაათავისუფლა. გასაგებია, რომ მთავარმა პროკურორმა გაათავისუფლა, მაგრამ წულუკიანი პირადად იყო პასუხისმგებელი ამ გათავისუფლებაზე, ეს არის მთავარი პრობლემა. ასევე მთელი ხელისუფლება პასუხისმგებელია ჩატაევის გათავისუფლებაზე. რაც მთავარია, ეს არ იყო გამონაკლისი, ეს იყო წყება რუსი ჯაშუშების გათავისუფლებისა, ეს იყო დამნაშავეების გათავისუფლება და მათი მსხვერპლად გამოცხადება", - განაცხადა რატიანმა.

მისივე თქმით, ომბუდსმენი 3 წლის განმავლობაში დაკავებული იყო ჩატაევის "გაპრავებით", „ხოლო მთელი ხელისუფლება, რუსი ოლიგარქის თამადობით, რუსების დაკვეთას ასრულებდა“.

სერგო რატიანის თქმით, ჩატაევის მიერ თურქეთში განხორციელებული თავდასხმის შედეგად საქართველოს საქვეყნოდ მოეჭრა თავი.

ცნობისთვის, იუსტიციის მინისტრმა თეა წულუკიანმა განაცხადა, რომ მიხეილ სააკაშვილი, ვანო მერაბიშვილი და მისი მოადგილე გია ლორთქიფანიძე მოიაზრებოდნენ, როგორც ჩატაევის ქვეყანაში შემომყვანები უკრაინიდან. „მას იყენებდნენ სხვადასხვა მათთვის საინტერესო თემებზე და როდესაც, რაღაც არ მოეწონათ, ჩასვევს ციხეში. როგორც იუსტიის მინისტრმა აღნიშნა, როგორც კი მიხეილ სააკაშვილი აღმოჩნდება ქართველი სამართალდამცველების ხელში, ჩატაევის საქმე გმაოძიებული იქნება“, - აღნიშნა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა

უკრაინამ რუსეთის რამდენიმე ქალაქის ნავთობგადამამუშავებელი ქარხანა, რაკეტების მწარმოებელი და ოზონის საწყობები დაბომბა