გაერთიანებული სამეფოს თავდაცვის აკადემიისა და კრენფილდის უნივერსიტეტის ორგანიზებული კურსი „თავდაცვის მართვა ფართო უსაფრთხოების კონტექსტში“ დასრულდა.

თავდაცვის სამინისტროს ინფორმაციით, კურსის დახურვის ცერემონიალი „თბილისი მარიოტში“ გაიმართა. სემინარის მონაწილეებს სიტყვით ტრენერმა, უსაფრთხოების საკითხების ექსპერტმა დევიდ შუტერმა და დიდი ბრიტანეთის სპეციალურმა მრჩეველმა თავდაცვის საკითხებში ალექსანდრა ლუის პოლიმ მიმართეს და წარმატებები უსურვეს.

კურსდამთავრებულებს სერტიფიკატები ალექსანდრა ლუის პოლიმ და თავდაცვის სამინისტროს ადამიანური რესურსების მართვისა და პროფესიული განვითარების დეპარტამენტის უფროსმა ნინო ბაქრაძემ გადასცეს.

სემინარის მონაწილეები უსაფრთხოების სექტორის მმართველობის პრინციპებსა და მეთოდებს დაეუფლნენ, ასევე განიხილეს რეგიონული უსაფრთხოების საკითხები. კურსი სამინისტროებს შორის უსაფრთხოებისა და თავდაცვის საკითხებზე თანამშრომლობასა და კოორდინაციას უწყობს ხელს. სემინარში საქართველოს თავდაცვის სამინისტროს რვა თანამშრომელთან ერთად უკრაინისა და აზერბაიჯანის თავდაცვისა და უსაფრთხოების სექტორის მაღალი და საშუალო რგოლის წარმომადგენლები მონაწილეობდნენ.

სწავლება გაერთიანებული სამეფოს თავდაცვის აკადემიისა და კრენფილდის უნივერსიტეტის ორგანიზებით უკვე მეექვსედ ჩატარდა. პროგრამის მიზანი უსაფრთხოების სისტემის მმართველობის უზრუნველსაყოფად სტრუქტურისა და პროცესების შესახებ ცნობიერების ამაღლებაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა