უსაფრთხოების საკითხებში ექსპერტის, ბესიკ ალადაშვილის აზრით, ამ ეტაპზე საქართველოში ტერორიზმის საფრთხის აშკარა ნიშნები არ არსებობს.

როგორც ალადაშვილმა "ექსპრესნიუსს“ განუცხადა, ტერაქტებს თურქეთში სხვადასხვა ობიექტური და სუბიექტური მიზეზები აქვს, საქართველოს კი, ამ კუთხით ჯერჯერობით საფრთხე არ ემუქრება.

"ამ ეტაპზე საქართველოსთან მიმართებაში ტერაქტების საფრთხის გააქტიურების აშკარა ნიშნები არ ჩანს. ტერაქტებს თურქეთში სხვადასხვა ობიექტური თუ სუბიექტური მიზეზები აქვს. საბედნიეროდ, საქართველო ჯერჯერობით არ არის იმ ახლო წრეში, სადაც ტერაქტების საფრთხეა მოსალოდნელი. თუმცა, ეს იმაას არ ნიშნავს, რომ ჩვენი სპეცსამსახურები მზად არ უნდა იყვნენ", - აღნიშნა ალადაშვილმა.

ამასთან, ექსპერტი მიიჩნევს, რომ ამ ეტაპზე, უსაფრთხოების კუთხით, ქვეყნის რესურსების 40-50% -ა გამოყენებული და კარგი იქნება თუ სამომავლოდ ეს ციფრი კიდევ უფრო გაიზრდება.

„ტერორიზმი არ არის უბრალო კრიმინალი და აქ სხვა მომზადებაა საჭირო“, - აცხადებს ბესიკ ალადაშვილი.

შეგახსენებთ, რომ ათათურქის აეროპორტში ტერაქტის შედეგად, ბოლო მონაცმებით, 50 ადამიანი გარდაიცვალა და 147 დაშავდა.

სამმა თვითმკვლელმა ტერორისტმა ჯერ “კალაშნიკოვის” ტიპის იარაღიდან გახსნა ცეცხლი, შემდეგ კი თავი აიფეთქა.

ტერაქტზე პასუხისგებლობა ამ დრომდე არავის აუღია, თუმცა თურქეთის ხელისუფლება ვარაუდობს, რომ აეროპორტზე თავდასხმა “ისლამური სახელმწიფოს” მებრძოლებმა განახორციელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი