საქართველოს სამედიცინო ასოციაციების გაერთიანების მხარდაჭერითა და თანადგომით თბილისის სახელმწიფო სამედიცინო უნივერსიტეტში  თსსუ-ის დიპლომის შემდგომი სამედიცინო განათლებისა და  უწყვეტი პროფესიული განვითარების ინსტიტუტის ექიმთა გადამზადების ახალი პროგრამის - „კლინიკური ფარმაკოლოგიის საკვანძო საკითხების“ ტრეინინგი შედგა.

აღნიშნული პროგრამა  ყველა სპეციალობის სერტიფიცირებული ექიმის გადამზადებას ითვალისწინებს კლინიკურ ფარმაკოლოგიასა და ფარმაკოთერაპიაში. მისი  მიზანი სამკურნალწამლო საშუალებების რაციონალური და უსაფრთხო გამოყენების საშუალებით, პაციენტზე ორიენტირებული, უვნებელი, ეფექტიანი მკურნალობის გზების განვითარებაა, რაც  განსაკუთრებით მნიშვნელოვანია პირველადი ჯანდაცვის რგოლის გაძლიერების თვალსაზრისით.

პროგრამას  თბილისის  სახელმწიფო სამედიცინო უნივერსიტეტის სამეცნიერო უნარ-ჩვევების ცენტრის დირექტორი, სამედიცინო ფარმაკოლოგიის დეპარტამენტის ასოცირებული პროფესორი  ლუიზა გაბუნია ხელმძღვანელობს. 

ტრენინგების დასასრულს  სერტიფიკატების გადაცემის ცერემონიალი გაიმართა. დარგის აქტუალურობის გათვალისწინებით აღნიშნული  ტრენინგები როგორც თბილისში, ასევე რეგიონებშიც ჩატარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს