ეროვნული ბანკის პრეზიდენტი გიორგი ქადაგიძე ყოფილი პრემიერ–მინისტრის ბიძინა ივანიშვილის ბრალდებას  უსაფუძვლოს უწოდებს.
როგორც ქადაგიძემ განმარტა, სავალუტო რეზერვიდან 120 მილიონი დოლარის დახარჯვის დანიშნულება ეროვნული ვალუტის მერყეობის აცილება იყო.
„მუდმივი კომუნიკაცია გვქონდა მთავრობასთნ და აქამდე ამ ტიპის ბრალდებებს ადგილი არ ჰქონია. უარყოფითი ეკონომიკური პირობების მონაცმებში, როცა ადგილი აქვს გაუფასურებას, ბაზრის მონაწილეების მხრიდან აჟიოტაჟი სავსებით ნორმალური მოვლენაა. ეს არის ეკონომიკის ანბანი. აჟიოტაჟს კი, სწორი კომუნიკაცია შველის, სწორი გზავნილები და არა გაზრდილი ინტერვენციები.  ამასთან, კიდევ უფრო დიდი მერყეობის თავიდან აცილების მიზნით, შეგახსენებთ,  მხოლოდ თებერვლის თვეში  ჩვენ დავხარჯეთ, ჩვენი სავალუტო რეზერვის 120 მილიონი დოლარი მაგრამ, ამ რეზერვის ხარჯვის დანიშნულება არის, იმ მერყეობის აცილება, რომელიც გამოწვეული იყო იმ პროცესებით რაც ჩვენ მივიღეთ.  ამიტომ , რა თქმა უნდა ეს ბრალდება არის, აბსოლიტურად საფუძელს მოკლებული“, – აღნიშნა ქადაგიძემ.
ცნობისთვის, გუშინ ბიძნა ივანიშვილმა განცხადება გაავრცელა, სადაც წერია : „საქართველოს ეროვნულმა ბანკმა ოფიციალური რეზერვების მხოლოდ 5%-მდე (120 მილიონი დოლარი) დახარჯა, რაც შედეგს ვერ გამოიღებდა და ვერც გამოიღო.  ეროვნულ ბანკს აქვს შესაბამისი ბერკეტი, რომ უზრუნველყოს მცურავი კურსის პირობებში ეროვნული ვალუტის დასტაბილურება. ყველა ობიექტური ფაქტორის გათვალისწინები, დღეს ლარის გაცვლითი კურსი არ უნდა აღემატებოდეს 2.0 ლარს და მოვუწოდებ ეროვნული ბანკის პრეზიდენტს შეასრულოს კონსტიტუციური მოვალეობა და გადადგას ადეკვატური ნაბიჯები“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიტროპოლიტი ისაია - მთავარი პრიორიტეტია საქართველოსთვის ზრუნვა, ვფიქრობ, ამ საქმეში პატრიარქი მარტო არ იქნება

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე