25-ე ბაგა-ბაღში გამოცხადებული რეგისტრაცია, დღეის ნაცვლად, 10 ივნისს განახლდება

2016-06-07 11:57:42, 685 ნახვა

საზოგადოება

ნაძალადევის რაიონში, მანჯგალაძის ქუჩაზე მდებარე 25-ე ბაგა-ბაღში გამოცხადებული რეგისტრაცია, დღეის ნაცვლად, პარასკევს, 10 ივნისს, 12:00 საათზე განახლდება.

როგორც თბილისის მერიის განცხადებაშია აღნიშნული, მერიაში ტექნიკური ხარვეზის გამო, ინტერნეტი მიუწვდომელია.

„თბილისის მერიაში ტექნიკური ხარვეზის გამო ინტერნეტი მიუწვდომელია. შესაბამისად, შეუძლებელია ცხელ ხაზთან დაკავშირება და შეფერხებით მუშაობს მერიის ადმინისტრაციის საორგანიზაციო სამსახურის მოქალაქეთა მომსახურების განყოფილება, თუმცა განცხადებები მაინც მიიღება. ინტერნეტთან დაკავშირებული პრობლემებია რაიონულ გამგეობებშიც.

ამავდროულად, ნაძალადევის რაიონში, მანჯგალაძის ქუჩაზე მდებარე 25-ე ბაგა-ბაღში გამოცხადებული რეგისტრაცია, რომელიც დღეს, 12:00 საათზე უნდა დაწყებულიყო ვერ მოხერხდება. რეგისტრაცია პარასკევს, 10 ივნისს, 12:00 საათზე განახლდება.

ტექნიკური ხარვეზის აღმოსაფხვრელად ამ ეტაპზე მუშაობა მიმდინარეობს.

თბილისის მერია ბოდიშს უხდის მოქალაქეებს შექმნილი დისკომფორტისათვის“, - ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან