მუსიკოსი თამარ გვერდწითელი მსმენელების წინაშე ახალი საკონცერტო პროგრამით წარსდგა.

ქართველმა შემსრულებელმა ნიუ იორკში, ცნობილ დარბაზში – „კარნეგი ჰოლი“, განახლებული რეპერტუარის პრეზენტაცია გამართა. პროგრამაშია როგორც ქართული, ებრაული ასევე ევროპული სიმღერები. უახლოეს მომავალში ამავე პროგრამით მომღერალი ბოსტონში, „მაჯესტიკში“ წარდგება.

გვერდწითელის ახალ პროგრამას „მამელი, დედის თვალები“ ჰქვია. ნიუ-იორკში მუსიკოსის გამოსვლამ   სრული ანშლაგით ჩაიარა. 

კონცერტში მონაწილეობას იღებდა ხელოვნების ფესტივალის „ალუბლების ბაღის“ დიდი სიმფონიური ორკესტრი.

კონცერტის დამსწრეთა უმრავლესობა აღნიშნავდა, რომ  საღამომ მათზე განსაკუთრებული შთაბეჭდილება მოახდინა. ერთ-ერთმა  მუსიკალურმა კრიტიკოსმა განაცხადა, რომ ეს არის აბსოლუტურად უნიკალური შემთხვევა, როდესაც ზოგჯერ სიმღერის ტექსტი არ გესმის, თუმცა გინდა გაგიხარდეს და იტირო მომღერალთან ერთად. აუდიტორიის წევრებმა თამარ გვერდწითელის ვოკალი შეაფასეს, როგორც „ბროლის, გამჭირვალე, სავსე და ძლიერი“.

თამარ გვერდწითელის ამ გამოსვლით ფესტივალი „ალუბლების ბაღი“ გაიხსნა, რომელიც ორ კვირას გასტანს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა

აზერბაიჯანმა ირანული ავიაკომპანიების რეისები აშშ-ის სანქციების გამო შეაჩერა.

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა