ქართველმა სამხედროებმა პარამკლავჭიდის XIX ევროპის ჩემპიონატში წარმატებით იასპარეზეს. კაპრალი თემურ დადიანი და მასტერ-სერჟანტი აბესალომ ბუკია საქართველოში ვერცხლის მედლებით დაბრუნდნენ.

პარამკლავჭიდის XIX ევროპის ჩემპიონატი რუმინეთის დედაქალაქ ბუქარესტში გაიმართა. თემურ დადიანმა 65 კილოგრამ წონით კატეგორიაში იასპარეზა და ჩატარებული რვა შეხვედრიდან ექვსი მოიგო. იგი ფინალურ ორთაბრძოლაში თურქ მეტოქესთან დამარცხდა და პარამკლავჭიდში ევროპის ვიცე–ჩემპიონი გახდა. რუმინეთში გამართულ კონტინენტის პირველობაზე 24 წლის დადიანმა ორივე მკლავით ვერცხლის მედლები მოიპოვა და მსოფლიო ჩემპიონატის ლიცენზიაც მიიღო.

მასტერ-სერჟანტ აბესალომ ბუკიას ჩემპიონატში საკუთარ წონით კატეგორიაში მხოლოდ ერთი მოწინააღმდეგე ჰყავდა. ასპარეზობის შედეგად მასაც ვერცხლის მედალი ერგო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა