ყაზახეთში საქართველოს საელჩოსა და აჭარის მთავრობის მხარდაჭერით, ასტანაში საქართველოს დამოუკიდებლობის 25-ე წლისადმი მიძღვნილი საზეიმო ღონისძიება გაიმართა.

აჭარის მთავრობის ადმინისტრაციის პრესსამსახურის ინფორმაციით, ღონისძიების ფარგლებში ჩატარდა ბათუმელი მხატვრების გამოფენა და ქართული ცეკვების შოუ, რომელშიც მონაწილეობას იღებდა „აჭარის სიმღერისა და ცეკვის სახელმწიფო აკადემიური ანსამბლი".

ყაზახეთში ვიზიტის ფარგლებში 28 მაისს აჭარის ავტონომიური რესპუბლიკის თავმჯდომარე არჩილ ხაბაძე ყაზახეთის რესპუბლიკის ინვესტიციებისა და განვითარების მინისტრს ასეტ ისეკეშევს შეხვდება. შეხვედრაზე მხარეები ასტანასა და ბათუმს შორის თანამშრომლობასა და სამომავლო გეგმებზე ისაუბრებენ. აღსანიშნავია, რომ აჭარის რეგიონში ტურისტული ნაკადი ყაზახეთიდან ყოველწლიურად მატულობს. ყაზახეთი აჭარის სამიზნე ტურისტულ ბაზარს წარმოადგენს და მის ქალაქებში აქტიური სარეკლამო-მარკეტინგული ღონისძიებები ხორციელდება. წლევანდელ ზაფხულის სეზონზე ყაზახეთის ორი დიდი ქალაქიდან - ასტანიდან და აქტაუდან დანიშნულია რეგულარული პირდაპირი ფრენები ბათუმის მიმართულებით.

დღის ბოლოს, 19 საათზე, ასტანის ცენტრალურ საკონცერტო დარბაზში „აჭარის სიმღერისა და ცეკვის სახელმწიფო აკადემიური ანსამბლი" საქართველოს დამოუკიდებლობისადმი მიძღვნილ კონცერტს ჩაატარებს. კონცერტს ყაზახეთის მთავრობის და აჭარის მთავრობის წარმომადგენლები დაესწრებიან.

29 მაისს, საქართველოს დამოუკიდებლობის დღისადმი მიძღვნილი კონცერტი ალმაატაშიც ჩატარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი