საქართველოს საგარეო საქმეთა მინისტრმა მიხეილ ჯანელიძემ გამართა შეხვედრა ირანის საგარეო საქმეთა მინისტრის მოადგილესთან იბრაჰიმ რაჰიმფურთან (Ebrahim Rahimpur), რომელიც საქართველოს ეწვია დამოუკიდებლობის  დღის  25-ე წლისთავთან დაკავშრებით დაგეგმილ საზეიმო ღონისძიებებზე დასასწრებად.

შეხვედრის ფარგლებში საგარეო საქმეთა მინისტრის მოადგილემ  ირანის მთავრობის სახელით მიულოცა ქართულ მხარეს დამოუკიდებლობის 25-ე წლისთავი და საქართველოს მთავრობას წარმატებები  უსურვა  დასახული გეგმების განხორციელებაში.
 
მხარეებმა ასევე განიხილეს საქართველოსა და ირანს შორის ორმხრივი ურთიერთობების დღის წესრიგში არსებული საკითხები და თანამშრომლობის შემდგომი განვითარების პერსპექტივები. საგარეო საქმეთა მინისტრის მოადგილემ ქართულ მხარეს გადასცა ირანის პირველი ვიცე-პრეზიდენტის ისჰაყ ჯაჰანგირის მოსაწვევი საქართველოს პრემიერ-მინისტრის გიორგი კვირიკაშვილის სახელზე. აღინიშნა უკანასკნელ პერიოდში მნიშვნელოვნად გააქტიურებული პარტნიორობა სხვადასხვა მიმართულებებით, რაც მოიცავს თანამშრომლობას ეკონომიკის, ვაჭრობის, სოფლის მეურნეობის, ტურიზმის, კულტურისა და განათლების სფეროებში. შეხვედრისას კმაყოფილებით აღინიშნა უკანასკნელ პერიოდში საქართველოში ირანელ ვიზიტორთა რაოდენობის მნიშვნელოვანი ზრდა.
 
შეხვედრაზე მხარეებმა გამოხატეს მზადყოფნა ხელი შეუწყონ ნაყოფიერი თანამშრომლობის კიდევ უფრო გაღრმავებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა