„ხაზგასმით ვაცხადებთ, რომ  სახელმწიფო ვალდებულია ძალადობა აღკვეთოს, ეს არის ვალდებულება და არა კეთილი ნება“, - ამის შესახებ საქართველოს პრეზიდენტის პრესსპიკერმა ეკატერინე მიშველაძემ დღეს გამართულ ბრიფინგზე ჟურნალისტებს განუცხადა.

როგორც მიშველაძემ აღნიშნა, სახელმწიფო ინსტიტუციების გამართულად მუშაობა არის ქვეყნის დემოკრატიულობისა და თითოეული მოქალაქის უსაფრთხოების გარანტი.

„სწორედ ინსტიტუციებმა უნდა უზრუნველყოს ჩვენი ქვეყნის მოქალქეების უსაფრთხოება. სამართლიანი და მაღალი სტანდარტის საარჩევნო პროცესი,  აღკვეთოს ძალადობის ყოველგვარი გამოვლინება. კიდევ  ერთხელ ვუსვამთ ხაზს - ის რაც მოხდა კორცხელში  არის უფრო მეტი, ვიდრე სამართალდარღვევა, ეს არის სახელმწიფიოებრიობის  წინააღმდეგ მიმართული ქმედება. იმ ადამიანების გარდა, რომლებმაც უშუალოდ ფიზიკური დაზიანება მიიღეს“, - განაცხადა მიშველაძემ.

მისივე თქმით, დაზარებულია  ამომრჩეველი და საქართველოს სახელმწიფო ინტერესები.

„კორცხელში მომხდარზე ეფექტური რეაგირება არის უმნიშვნელოვანესი ტესტი, რომ სახელმწიფოს აქვს ნება და შესწევს უნარი თავისუფალი და მაღალი  სტანდარტის არჩევნების ჩატარება“, - განცხადა მიშველაძემ.

ამასთან, როგორც პრეზიდენტის პრესსპიკერმა აღნიშნა, უმნიშვნელოვანესია როგორც პრევენციული ღონისძიებების გატარება, ასევე მომხდარზე დროული და ეფექტური რეაგირება.

„სახელმწიფომ უნდა აჩვენოს , რომ ქვეყანაში პროცესებს მართავს.  მმართველმა გუნდა უნდა გაითავისოს, რომ სწორედ ის არის ამ ქვეყნის ხელისუფლება და ყველა კანონდარღვევაზე უნდა ჰქონდეს ადეკვატური რეაქცია“, - განაცხადა მიშველაძემ.

მიშველაძის თქმით, პრეზიდენტი  პრემიერ-მინისტრის სახელმწიფოებრივ პოზიციას კორცხელის ინციდენტთან დაკავშირებით მხარ უჭერს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა