საქართველოს პრეზიდენტმა მსოფლიო ჰუმანიტარული სამიტის ფარგლებში თურქეთის პრეზიდენტთან რეჯეფ თაიფ ერდოღანთან შეხვედრა გამართა.

მხარეებმა ორ ქვეყანას შორის არსებული პოლიტიკური, ეკონომიკური და კულტურული ურთიერთობები განიხილეს.

თურქეთის პრეზიდენტმა კიდევ ერთხელ დააფიქსირა საქართველოს ტერიტორიული მთლიანობისა და სუვერენიტეტის მხარდაჭერა.

მხარეებმა შეხვედრისას ვარშავაში დაგეგმილ ნატო-ს სამიტზეც იმსჯელეს. 

შეხვედრის შესახებ კომენტარი გააკეთა საქართველოს პრეზიდენტის ადმინისტრაციის უფროსმა გიორგი აბაშიშვილმა, რომელიც პრეზიდენტების შეხვედრას ესწრებოდა.

„შეხვედრაზე თურქეთის პრეზიდენტმა აღნიშნა, რომ საქართველო აუცილებლად უნდა გახდეს ნატო-ს წევრი.

საუბარი შეეხო ასევე უმნიშვნელოვანეს, სტრატეგიულ პროექტებს, რომლებსაც ორი ქვეყანა პარტნიორ აზერბაიჯანთან ერთად ახორციელებს.

ვისაუბრეთ ბაქო-თბილისი-ყარსის რკინიგზაზე და ბატონმა ერდორანმა გამოთქვა დიდი იმედი, რომ წელს ეს პროექტიც დასრულდება.

განვიხილეთ თანამშრომლობის არაერთი სამომავლო პროექტი", - განაცხადა გიორგი აბაშიშვილმა.

შეხვედრას ესწრებოდნენ ასევე საქართველოს ეროვნული უშიშროების საბჭოს მდივანი ირინე იმერლიშვილი და საქართველოს საგანგებო და სრულუფლებიანი ელჩი თურქეთში ირაკლი კოპლატაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა