2016-05-23 17:31:30, 571 ნახვა

---

პრობაციის ბიუროს ახალი კონცეფციის ოფისები პირობით მსჯავრდებულთა მიერ დამზადებული ავეჯითა და ინვენტარით აღიჭურვება

სასჯელაღსრულებისა და პრობაციის მინისტრის  კახა კახიშვილის გადაწყვეტილებით,  ახალი კონცეფციის პრობაციის ბიუროს ოფისები  პირობით მსჯავრდებულთა მიერ დამზადებული ავეჯითა და ინვენტარით აღიჭურვება.

უწყების პრესსამსახურის ინფორმაციით, რუსთავში,  ქვემო ქართლის პრობაციის ბიუროს ახალი კონცეფციის ოფისში მისულ საზოგადოებას დღეს როგორც შენობაში, ასევე ეზოში, პირობით მსჯავრდებულთა ხელით შექმნილი საოფისე ავეჯი დახვდა.

 „საოფისე მაგიდები და ივენტარი, ასევე,  ოფისის გარეთ განთავსებული  სკამები  პრობაციონერების მიერ თავისუფლების შეზღუდვის დაწესებულების  ხის საწარმოშია დამზადებული.  ეს ყველაფერი ნახევარი ფასი დაჯდა.  თუ საოფისე მაგიდა მაღაზიაში დაახლოებით 350 ლარამდე ჯდება, ჩვენთან 150 ლარი ღირს.  გარდა ამისა, ხის საწარმოში დასაქმებულ მსჯავრდებულებსაც  სტიმული აქვთ, რომ ხელფასს,     დღეში დაახლოებით  20 ლარს იღებენ,“  -  განაცხადა სასჯელაღსრულებისა და პრობაციის მინისტრმა  კახა კახიშვილმა. 

თავისუფლების შეზღუდვის დაწესებულების სოციალურ საწარმოში დასაქმებული პირობით მსჯავრდებულები  ავეჯისა და საოფისე ინვენტარის გარდა,   ეკოლოგიურად სუფთა მასალისაგან  საბავშვო სათამაშოებს, სუვენირებსა და სხვადასხვა საყოფაცხოვრებო ნივთებს ამზადებენ.  

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი