სტამბოლში დღეს ოფიციალურად გაიხსნა პირველი მსოფლიო ჰუმანიტარული სამიტი, რომელსაც  საქართველოს პრეზიდენტი გიორგი მარგველაშვილი ესწრება.

გიორგი მარგველაშვილმა უკვე მიმართა სამიტის ლიდერთა სეგმენტის მონაწილეებს. საქართველოს პრეზიდენტი სიტყვით გამოვა ასევე, პლენარულ სესიაზე და მრგვალ მაგიდაზე.

მსოფლიოს პირველი ჰუმანიტარული სამიტის ინიციატორები არიან  გაეროს გენერალური მდივანი ბან კი მუნი და თურქეთის პრეზიდენტი რეჯეფ ტაიპ ერდოღანი.

სამიტი მსოფლიოში არსებულ ჰუმანიტარულ პრობლემებს ეძღვნება და განსაკუთრებული ყურადღება კონფლიქტის ზონებში არსებულ ვითარებას დაეთმობა. 

"საქართველოსთვის უაღრესად მნიშვნელოვანია ეს ტრიბუნა, რათა საქართველოს პრეზიდენტმა გააჟღეროს ის სამწუხარო რეალობა, რაც შექმნილია ოკუპირებულ ტერიოტორიებზე.

საქართველოს პრეზიდენტმა უკვე ისაუბრა ხურჩაში მომხდარი ტრაგედიის შესახებ და კვლავაც ექნება საშუალება, რომ ამ თემაზე გაამახვილოს მსოფლიო ლიდერთა ყურადღება.

ყურადღების ძალიან დიდი კონცენტრაცია არის ოკუპირებულ ტერიტორიებზე შექმნილი ვითარების მიმართ, იმ ჰუმანიტარული პრობლემების მიმართ, რაც აქვს ჩვენს თანამემამულეებს და ასევე ამ სამიტს აქვს ძალიან მნიშვნელოვანი დატვირთვა არაღიარების პოლიტიკის განმტკიცებისათვის", - განაცხადა საქართველოს პრეზიდენტის საგარეო ურთიერთობათა მდივანმა თენგიზ ფხალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა