„ყველამ  ერთად  უნდა ვიღონოთ ყველაფერი იმისთვის, რომ ასეთი ფაქტები ქვეყანაში აღარ განმეორდეს“, - ასე გამოეხმაურა სოფელ კორცხელში,ომხდარ ინციდენტს ვიცე პრემიერი, ენერგეტიკის მინისტრი კახა კალაძე.

კალაძის განცხადებით, ის რაც გუშინ მოხდა მიუღებელია პირადად მისთვის და  „ქართული ოცნებისთვის“.

„ეს საარჩევნო პროცესში ნორმალურია, ხდება მობილიზება მხარდამჭრების, გამხნევება, ეს რაღაც სიახლე არ არის, თუმცა ფაქტი, რომელიც გუშინ მოხდა პირადად ჩემთვის და "ქართული ოცნებისთვის" არის კატეგორიუად მიუღებელი. ასეთი ფაქტები, ზოგადად, ქვეყნის დემოკრატიულ განვითარებას ხელს უშლის და ჩვენ, ყველამ ერთად  უნდა ვიღონოთ ყველაფერი იმისთვის, ასეთი ფაქტები ქვეყანაში არ განმეორდეს“,-აღნიშნა კალაძემ.

 შეგახსენებთ, გუშინ ზუგდიდში, კორცხელის საარჩევნო უბანთან ფიზიკური დაპირპისრება მოხდა. განვითარებული მოვლენების დროს, ფიზიკური დაზიანება მიიღეს „ერთიანი ნაციონალური მოძრაობის“ წარმომადგენლებმა და „ქართული ოცნების“ აქტივისტებმა. მედიით გავრცელებული კადრებიდან ჩანს, რომ თავდამსხმელები იყენებდნენ ხელკეტებსაც. ინციდენტის დროს აღნიშნულმა პირებმა ფიზიკური შეურაცხყოფა მიაყენეს მედია საშუალებების წარმომადგენლებსაც, ან ხელი შეუშალეს მათ ჟურნალისტური საქმიანობის განხორციელებაში.

შინაგან საქმეთა სამინისტრომ მომხდარ ფაქტზე გამოძიება სისხლის სამართლის კოდექსის 125-ე მუხლით დაიწყო, რაც ცემას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა