„ვფიქრობ, რომ ყველაზე მკაფიო შეფასება დავით კოღუაშვილის განცხადებასთან დაკავშირებით, თავად პრემიერ-მინისტრმა გააკეთა“, - ამის შესახებ პარლამენტის ვიცე-სპიკერმა მანანა კობახიძემ „ქართული ოცნების“ პოლიტსაბჭოს სხდომის დასრულების შემდეგ ჟურნალისტებს განუცხადა.

როგორც კობახიძემ აღნიშნა, დავით კოღუაშვილი პარტიის და პოლიტსაბჭოს წევრად რჩება.

„ბატონი დავითი გუნდში რჩება რა თქმა უნდა, ის არის პოლიტსაბჭოს წევრი. მისი დღევანდელი  შეკრებაზე არ დასწრება, სულაც არ ნიშნავს იმას, რომ ის გუნდის წევრი აღარ არის. მის გარდა შეხვედრას დავით ბაქრაძე და ასევე, ქალბატონი კილაძე არ ესწრებოდნენ“,- განაცხადა მანანა კობახიძემ.

მისივე თქმით, კოღუაშვილის პოზიცია გუნდის ან საბჭოს პოზიციად არ უნდა იყოს აღქმული.

ამასთან, პარლამენტის ვიცე-სპიკერი ეთანხმება პრემიერ-მინისტრ გიორგი კვირიკაშვილის გუშინდელ განაცხადებას, რომლის თანამხადაც, „კოღუაშვილმა დაუფიქრებელი განცხადებები გააკეთა“.

ცნობისთვის, „ქართული ოცნების“ წევრმა დავით კოღუაშვილმა „ქართული გაზეთისთვის“ მიცემულ ინტერვიუში გიგი უგულავას და ვანო მერაბიშვილის შესახებ ისაუბრა: „მე არ მგონია, რომ უგულავამ კიდევ დიდხანს დაყოს ციხეში და ვისურვებდი, მალე დაუბრუნდეს ოჯახს. მას შეუძლია გაცილებით მეტი სიკეთე მოუტანოს ქვეყანას გარეთ, ვიდრე საკანში. ხოლო რაც შეეხება ყოფილ პრემირ-მინისტრს, მერაბიშვილიც ძალიან ნიჭიერი ადამიანია. უბრალოდ, ის გახდა იმ გარემოებების მძევალი, რაც მას დაატეხა მისმა მეუღლემ. ვგულისხმობ გირგვლიანის საქმეს. დიდი შეცდომა დაუშვა მერაბიშვილმა, როგორც მინისტრმა, რომ არ გაემიჯნა ამ თემას და არ აღასრულა ის, რაც მასზე იყო დამოკიდებული. როგორც მინიმუმ, უნდა გადამდგარიყო. დღეს ის თავისუფლებას შეინარჩუნებდა, დარწმუნებული ვარ. ბრალდების ეს მხარეები შეიძლება გადაისინჯოს. ვინც ყველაზე მეტად იყო დასაჭერი, მან ქვეყანა დატოვა და აღარ მინდა, ამას მივუბრუნდე. მე გული მწყდება თითოეულ მათგანზე", - განაცხადა დავით კოღუაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა