დღევანდელი აქცია არის სოლიდარობის, მხარდაჭერის აქცია უდანაშაულო ადამიანიების და მათი ოჯახების წევრების მიმართ, - ამის შესახებ „თავისუფალი დემოკრატების“ ლიდერმა ირაკლი ალასანიამ მთავარ პროკურატურასთან მიმდინარე აქციაზე განაცხადა.

მისი თქმით, აქციების ჯაჭვი დასრულდება მაშინ, როდესაც მმართველი გუნდი დამარცხდება.

„დაკავებულებს შესაწყალებელი არაფერი აქვთ, მათ ჩვენგან სჭირდებათ გამხნევება. მათ სჭირდებათ იცოდნენ, რომ საქართველოს მოქალაქეები არ შეეგუებიან იმას, რომ ეს ბიჭები იყვნენ უდანაშაულოდ ციხეში“, - განაცხადა ალასანიამ.

შეგახსენებთ, მთავარ პროკურატურასთან „თავისუფალი დემოკრატების“ საპროტესტო აქცია მიმდინარეობს. აქციაზე პარტიის ლიდერები და დაკავებულების მხარდამჭერები არიან შეკრებილები. აქციას ახალგაზრდები და სხვადასხვა რეგიონებიდან ჩამოსული მოსახლეობა შეუერთდა.

აქციაზე ასობით ადამიანია შეკრებილი. ადგილზე მობილიზებული საპატრულო პოლიცია. ამასთან, აქციის მონაწილეების უსაფრთხოების მიზნით, გორგასლის ქუჩა გადაკეტილია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე

"გოგოების გზა ტექნოლოგიებში" - "თეგეტა ჰოლდინგი" გაეროს ქალთა ორგანიზაციის საერთაშორისო კონფერენციას შეუერთდა