დავით აღმაშენებლის სახელობის საქართველოს ეროვნული თავდაცვის აკადემიის პროფესიული განვითარების ცენტრში ადამიანური რესურსების მართვის საკითხებზე სემინარი დაიწყო.

თავდაცვის სამინისტროს ინფორმაციით, ტრენინგი თავდაცვის სამინისტროს ადამიანური რესურსების მართვისა და პროფესიული განვითარების დეპარტამენტის უფროსმა, ნინო ბაქრაძემ გახსნა და მონაწილეებს წარმატებები უსურვა.

მათივე ცნობით, სემინარში თავდაცვის სამინისტროსა და სამინისტროს საჯარო სამართლის იურიდიული პირების, თავდაცვისა და უსაფრთხოების სექტორის ადამიანური რესურსების მართვის სფეროს სპეციალისტები მონაწილეობენ. აშშ-ის უმაღლესი საზღვაო სკოლის წარმომადგენელი უილიამ ჰათჩი სამი დღის განმავლობაში აუდიტორიას გააცნობს ადამიანური რესურსების მართვის როლს,  სისტემას და მექანიზმებს, ასევე ადამიანური რესურსების მართვასთან დაკავშირებულ პროცესებსა და პერსონალის როლს შეიარაღებული ძალების განვითარებაში. სემინარი  თეორიულ და პრაქტიკულ სავარჯიშოებსაც ითვალისწინებს. 

სემინარი ადამიანური რესურსების მართვისა და პროფესიული განვითარების დეპარტამენტის ინიციატივითა და ორგანიზებით იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა