III მსუბუქი ქვეითი ბრიგადის ბაზაზე სახმელეთო ჯარების დასავლეთ სარდლობაში შემავალი ქვედანაყოფების სამეთაურო-საშტაბო სწავლება მიმდინარეობს.

თავდაცვის სამინისტროს ინფორმაციით, სწავლების პროცესს სახმელეთო ჯარების დასავლეთ სარდლობის სარდალი, პოლკოვნიკი შალვა ჯაბახიძე დაესწრო.

„წელს შეიარაღებულ ძალებში გაიმართება, წინა წლებთან შედარებით, ყველაზე ფართომასშტაბიანი სწავლება „დიდგორი 2016“ . მიმდინარე სწავლების მიზანია, „დიდგორი 2016“-ისთვის მომზადება, რათა სარდლობის შტაბმა და დაქვემდებარებულმა ქვედანაყოფებმა უკეთ გაიარონ ის პროცედურები, რომელიც აუცილებელია სამხედრო გადაწყვეტილების მიღებისა და კოორდინაციისთვის“,- აღნიშნა დასავლეთ სარდლობის სარდალმა.

სამხედრო წვრთნების მიზანი „დიდგორი 2016“-ის სწავლებისთვის ბრიგადების, ბატალიონების და ასეულების შტაბების მომზადებაა. სწავლების ამოცანაა ბრიგადისა და ბატალიონის შტაბებში სამხედრო გადაწყვეტილების მიღების პროცესის წარმართვა, შტაბების მიერ საშტაბო და კრიზისული ვითარების დროს დაგეგმარების ჩატარება; შტაბების მომზადების დონის ამაღლება მართვისა და კონტროლის პროცედურების შესრულებაში; მართვის პუნქტების მოქმედებების შეფასება და სტანდარტიზაცია; რეალურთან მიახლოებულ სცენარში შტაბების მიერ ოპერაციების სინქნორიზაცია და ინტეგრაცია.

სწავლებაში დასავლეთ სარდლობის შტაბის, III ქვეითი ბრიგადის, II საარტილერიო ბრიგადის და სწავლების მხარდამჭერი ქვედანაყოფის 360 სამხედრო მოსამსახურე მონაწილეობს. სწავლებას დასავლეთ სარდლობის შტაბიდან გამოყოფილ დამკვირვებლებთან ერთად აშშ-ის შეიარაღებული ძალების წარმომადგენლები აკვირდებიან.

სამეთურო-საშტაბო სწავლება III ბრიგადის ტერიტორიაზე 20 მაისამდე გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა