დღეს, აჭარის მთავრობის თავმჯდომარე არჩილ ხაბაძე ქვემო სილეზიის მარშალს ცეზარ ფშიბილსკის და პოლონური დელეგაციის სხვა ოფიცილურ წარმომადგენლებს შეხვდა. შეხვედრაზე  ორ რეგიონს შორის სხვადასხვა მიმართულებით დაწყებული თანამშრომლობა და სამომავლო გეგმები განიხილეს. აჭარის მთავრობის თავმჯდომარემ კმაყოფილება გამოთქვა უახლოეს მომავალში, ივნისის თვეში, ვროცლავში დაგეგმილი სასწავლო ტურის შესახებ, რომელიც ითვალისწინებს აჭარის მუნიციპალიტეტების წარმომადგენლების პოლონური გამოცდილების გაზიარებას თვითმმართველობების მუშაობისა და დეცენტრალიზაციის მიმართულებით.

"მნიშვნელოვანია, რომ თანამშრომლობის სფერო მართლაც მრავალფეროვანია. სილეზიის სტრატეგიული განვითარების ინსტიტუტი მზადაა გაგვიზიარონ მათი გამოცდილება რეგიონის სტრატეგიული დოკუმენტების იმპლემენტაციისა და მონიტორინგის კუთხით, ასევე ევროპის ბაზარზე ციტრუსის შეტანისათვის გამარტივებული საბაჟო გადასახადებისა და პროდუქტის ევროსტანდარტებთან შესაბამისაობაში მოყვანის მიმართულებით. პოლონურ-ქართული მეგობრობის კიდევ უფრო გაღრმავებისა და ორი რეგიონის დაახლოების საქმეში უმნიშვნელოვანეს წვლილს შეიტანს კულტურული აქტივობები" – განაცხადა არჩილ ხაბაძემ.

შეხვედრაზე დაიგეგმა ფოტოხელოვანთა და მზატვართა ორმხრივი გამოფენების ორგანიზება და ფოლკლორული ტურნე ქვემო სილეზიაში. აჭარის მთავრობის თავმჯდომარემ მზადყოფნა გამოთქვა ასევე რეგიონში პოლონური ფოლკლორი ჯგუფების მასპინძლობისთვის. თანამშრომლობის პრიორიტეტულ მიმართულებებად დაისახა ასევე სოფლის მეურნეობის, საგანმანათლებლო და სამედიცინო სფეროები.

დღესვე პოლონეთის ოფიციალური დელეგაცია შეხვედრას გამართავს ქობულეთის მუნიციპალიტეტის წარმომადგენლებთან. შეხვედრაზე ქართული და პოლონური მხარეები ქ. ქობულეთისა და ქ. მილიჩის პრეზენტაციებს გამართავენ, რაც ქალაქების შემდგომი დამეგობრების წინაპირობად შეიძლება ჩაითვალოს.

აღსანიშნავია, რომ ეს ქვემო სილეზიის საპასუხო ვიზიტია. ამა წლის 29 მარტიდან 1 აპრილამდე ქვემო სილეზიას აჭარის ა/რ მთავრობის დელეგაცია სტუმრობდა, რის შედეგადაც თანამშრომლობის მემორანდუმები ბევრი საინტერესო მიმართულებით გაფრომდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას