გიორგი კვირიკაშვილი „ქართული ოცნება - დემოკრატიული საქართველოს“ თავმჯდომარე გახდა

2016-05-14 16:45:40, 787 ნახვა

პოლიტიკა

კოალიცია „ქართული ოცნება -დემოკრატიული საქართველოს“ თავმჯდომარე საქართველოს პრემიერ-მინისტრი, გიორგი კვირიკაშვილი გახდა.

კვირიკაშვილს ყრილობაზე პარტიის დელეგატებმა ერთხმად დაუჭირეს მხარი.

სპორტის სასახლეში კოალიცია ”ქართული ოცნება-დემოკრატიული საქართველო” რიგით IV ყრილობა მიმდინარეობს.

ადგილზე აღმასრულებელი და საკანონმდებლო ხელისუფლების, დიპლომატიური კორპუსისა და არასამთავრობო ორგანიზაციების წარმომადგენლები, ასევე ათასობით მხარდამჭერი იმყოფება. ყრილობაზე იმყოფებიან ყოფილი პრემიერ-მინისტრები ბიძინა ივანიშვილი და ირაკლი ღარიბაშვილი.

ყრილობა დღეს ასევე პარტიის პოლიტსაბჭოს განახლებულ შემადგენლობას აირჩევს და ახალ წესდებას დაამტკიცებს.

სპორტის სასახლის მიმდებარე ტერიტორიაზე საპატრულო პოლიციაა მობილიზებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან